Сам бровнбәк дуня җамаәтчиликини уйғурларни унтуп қалмаслиққа чақириди

Мухбиримиз җүмә
2020-05-10
Share
sam-brownback Американиң хәлқаралиқ диний әркинлик алаһидә әлчиси сам бровнбәк әпәнди әркин асия радиоси уйғур бөлүминиң зияритини қубул қилди.
RFA

Американиң хәлқара диний әркинлик алаһидә әлчиси сам бровнбәк дуня җамаәтчиликини лагерларға ташланған уйғур мусулманлирини унтуп қалмаслиққа чақириди.

У, рамизанниң 13-күни твиттерда елан қилған баянатида дуня җамаәтчиликигә хитаб қилип мундақ деди: «дуня миқясидики мусулманлар рамзан мәзгилидә мәсчитләрдә дуа-тилавәт вә таәт-ибадәт қиливатқан пәйтләрдә лагерларға қамилип, өз мәсчит һәм муқәддәс җайлириниң хитай компартийәси тәрипидин вәйран қилинишиға шаһит болуватқан шинҗаңдики зиянкәшликкә учриған уйғур вә башқа мусулманларни унтумайли.»

Хәлқара диний етиқад әркинлики баш әлчиси сам бровнбәк уйғур мәсилисигә йеқиндин көңүл бөлгән вә хитайниң уйғурларға қаратқан бастуруш сиясәтлирини изчил әйибләп келиватқан америка әмәлдарлириниң бири. 

У, өткән айда америкиниң ирандики мәвһум әлчиханиси тор бетидә елан қилинған бир мақалидә «хитай һөкүмити диний зиянкәшликтин өзини тартқини йоқ. Һазир бу һал техиму тез сүрәттә кеңийиватиду,» дегән иди. 

Хитай һөкүмитиниң 2017-йилидин башлап 1 милйон 800 миңдин 3 милйонғичә уйғур қатарлиқ түркий мусулманларни йиғивелиш лагерлириға қамиғанлиқи мәлум. 

Буларниң лагерларда түрлүк түмән хорлуқларға учриғандин башқа өз диний етиқадидин ваз кечишкә мәҗбурланғанлиқи лагер шаһитлири тәрипидин ашкариланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.