Австралийәниң мелборн шәһиридә өткүзүлгән уйғур җәмийитиниң сайлими вә путбол мусабиқиси ғәлибилик ахирлашти

Ихтиярий мухбиримиз учқун
2019-04-23
Елхәт
Пикир
Share
Принт
Австралийәниң мелборн шәһиридә өткүзүлгән уйғур җәмийити уюштурған путбол мусабиқисидә хатирә сүрәт. 2019-Йили 19-апрел.
Австралийәниң мелборн шәһиридә өткүзүлгән уйғур җәмийити уюштурған путбол мусабиқисидә хатирә сүрәт. 2019-Йили 19-апрел.
RFA/Uchqun

19-Апирил, австралийәниң викторийә штатиниң мелборн шәһиридә уйғур җәмийитиниң сайлими болуп өтти. Егәлишимизчә мәзкур сайламға мелборндики көп санлиқ уйғурлар қатнашқан болуп, сайлам нәтиҗисидә алимҗан осман әпәнди викторийә уйғур җәмийитиниң рәисликигә сайланған.

Алимҗан әпәнди бу қетимлиқ сайлам һәққидә тохтилип мундақ деди: «мелборн шәһиридә 2006-йили уйғур җәмийити қурулған болсиму мәлум сәвәбләр түпәйли хизмитини давамлаштуралмиди, шуниң үчүн биз миллитимизниң бешиға еғир зулумлар келиватқан бүгүнки күнләрдә демократик дөләтләрдә яшап турупму пәқәт өзимизниң турмуши биләнла өтүп кәтсәк өз виҗданимизға йүз келәлмәймиз.»

У йәнә мәзкур җәмийәтниң қурулушиниң әһмийити шундақла кәлгүсидә қилмақчи болған хизмәтлири һәққидиму тохталди.

У мундақ деди: «биз җәмийитимизни қуруш арқилиқ мелборнда яшаватқан уйғурлар бир гәвдә болуп австралийә җәмийити вә һөкүмитигә давайимизни тонутушни, вәтинимиздики еғир зулумларни ахирлаштурушниң чарилири һәққидә бирликтә хизмәт қилишни мәқсәт қилимиз. Шуниң билән биргә әң муһими һәммимиз бир гәвдә болуп уюшқандила давайимиз техиму үнүмлүк болиду, дәп қараймән.»

Арқидинла 20-апрелдин 22-апрелғичә австралийә уйғур яшлириниң 13-нөвәтлик «шәрқий түркистан лоңқиси» путбол мусабиқиси ойналған. Викторийә уйғур җәмийитиниң рәиси алимҗан осман әпәндим мәзкур мусабиқә һәққидиму тәпсилий учур бәрди.

У б мундақ деди: «викторийә штатиниң нобел парк районида 20-апрелдин 22-апрелғичә өткүзүлгән путбол мусабиқиси өткүзүлди, мусабиқигә седний, мелборн, аделайд вә бирисбан шәһәрлиридин 4 команда қатнишип, үч күн давам қилди.

Мусабиқимизгә седний вә аделайдтин уйғур җәмийитиниң рәислири билән биргә җәмий 400 дин ошуқ адәм қәдәм тәшрип қилди. Ахирида аделайд командиси чемпийон, мелборн командиси 2-ликкә, бирисбан командиси 3-ликкә, седний командиси 4-ликкә еришти. Мәзкур мусабиқә арқилиқ бир-биримиз билән болған меһир-муһәббитимиз техиму чоңқурлашти.»

Мәзкур паалийәтниң актип иштиракчилиридин бири болған надирә ханим викторийәдики ханим қизларға вакалитән зияритимизни қобул қилди. У сөзидә «вәтәндики зулумлар түпәйли көңлимиз сунуқ, дилимиз пәришан болсиму шу мунасивәт билән мелборн вә йирақ йеқиндин кәлгән юртдашлар билән җәм болушниң наһайити әһмийәтлик иш» икәнликини баян қилди. Надирә ханим йәнә мелборндики ханим қизларниң меһманларни күтүвелиш үчүн йемәк-ичмәк вәзиписини үстигә елип, меһманлар үчүн җапалиқ хизмәт қилғанлиқиниму баян қилди.

Мелборн шәһиридә яшаватқан қасимҗан әпәндиму сайлам вә путбол мусабиқиси һәққидә көз қарашлирини биз билән ортақлашти. Игилинишичә австралийәниң мелборн шәһиридә өткүзүлгән мәзкур путбол мусабиқә австралийәдики уйғурларниң тарихи бир қәдәр узун паалийәтлириниң бири болуп, 13 йилдин буян давам қилмақта икән.

Пикирләр (0)
Share
Толуқ бәт