ئابدۇجېلىل مۇھەممەت: «تېخىمۇ چوڭ مۇسابىقىلەرگە قاتنىشىپ، شەرقىي تۈركىستاننى دۇنياغا تونۇتىمەن! »
2023.10.05
ئابدۇجېلىل مۇھەممەت جەنۇبىي ئاۋسترالىيە «ئالماس قايتۇرما زەربىسى» (Diamondback FC 18) ئەركىن مۇشتلىشىش تۈرىنىڭ 18-قېتىملىق مۇسابىقىسىدە چېمپىيونلۇققا ئېرىشكەن كۆرۈنۈش. 29-سېنتەبىر، ئادېلايد
Facebook/@Enver Can Uygur
ئاۋسترالىيەلىك ئۇيغۇر ياش ئابدۇجېلىل مۇھەممەت 29-سېنتەبىر كۈنى ئاۋسترالىيەنىڭ ئادېلايد شەھىرىدە ئۆتكۈزۈلگەن جەنۇبىي ئاۋسترالىيە «ئالماس قايتۇرما زەربىسى» (Diamondback FC 18) ئەركىن مۇشتلىشىش تۈرىنىڭ 18-قېتىملىق مۇسابىقىسىدە رەقىبى لۇكاس شىمىت (Lucas Smitt) نى يېڭىپ چېمپىيونلۇقىغا ئېرىشكەن.
ئۇچىسىغا ئالدى تەرەپكە ئاي يۇلتۇزلۇق شەرقىي تۈركىستان بايرىقى، ئارقىسىغا «UYGHUR» دېگەن خەت ۋە بۆرىنىڭ سۈرىتى چۈشۈرۈلگەن كۆك مايكا، بېشىغا ئۇيغۇر دوپپىسى كىيىپ مەيدانغا كىرگەن 23 ياشلىق ئابدۇجېلىل مۇھەممەت تاماشىبىنلارنىڭ ئالاھىدە دىققىتىنى قوزغىغان.
جەمئىي ئىككى مەيدان داۋاملاشقان تۆت مىنۇتتەك مۇسابىقىدە ئابدۇجېلىل مۇھەممەت بىرىنچى مەيداندىن باشلاپلا 67 كىلوگىراملىق رەقىبى لۇكاس شىمىتتىن ئۈستۈنلۈكنى تارتىۋالغان. ئابدۇجېلىل مۇھەممەت مۇسابىقىدىن كېيىن قىلغان سۆزىدە تاماشىبىنلارغا، ئۆزىنىڭ مەشىق گۇرۇپپىسىغا ۋە ئۆزىگە ھەمدەمدە بولۇشقا كەلگەن ئۇيغۇرلارغا رەھمەت ئېيتقان. شۇنىڭ بىلەن بىر ۋاقىتتا، ئۆزىنىڭ بىرىنچى قېتىملىق مۇسابىقىدىن ساۋاق ئېلىپ، «بۇ قېتىم تېخىمۇ ياخشى تەييارلىق بىلەن كەلگەنلىكى ۋە مېدالغا ئېرىشكەنلىكى» نى بىلدۈرگەن.
ئابدۇجېلىل مۇھەممەت رادىيومىزغا بەرگەن زىيارىتىدە تېخىمۇ چوڭ مۇسابىقىلەردە ئاي-يۇلتۇزلۇق كۆك بايراقنى جەۋلان قىلدۇرۇپ، شەرقىي تۈركىستاننى دۇنياغا تونۇتۇشنى نىشان قىلغانلىقىنى بىلدۈردى.
ئابدۇجېلىل مۇھەممەت بىلەن ئۆتكۈزگەن سۆھبىتىمىزنىڭ تەپسىلاتىنى يۇقىرىدىكى ئۇلىنىشتىن ئاڭلىغايسىلەر.
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- ھامۇتخان كۆكتۈرك: خىتاينىڭ پۇلى بىلەن خىتاينىڭ مېھمانى بولۇپ ۋەتەنگە بارغانلار شەرقىي تۈركىستان دەۋاسىغا خىيانەت قىلغان بولىدۇ
- ئانالىزچىلار: نارازىلىقىنى ئىپادىلىگەن خەلقنى قوراللىق ئەسكەر بىلەن باستۇرۇش پەقەت خىتايدەك مۇستەبىت ھاكىمىيەتكە مەنسۇپ
- «ئۇيغۇر خەلق ناخشىلىرى» نى ئۆگىتىشمۇ ياكى ئۇيغۇرلارغا «ھەيۋە» كۆرسىتىشمۇ؟
- مۇتەخەسسىسلەر: خىتاي ھۆكۈمىتى تەيۋەنلىكلەرنىمۇ ئۇيغۇر ئېلىدىكى جىنايەتلىرىگە شېرىك قىلماقچى
كۆپ كۆرۈلگەن خەۋەرلەر
تەپسىلىي خەۋەر
- ئامېرىكا ئاۋام ۋە كېڭەش پالاتا ئەزالىرى خىتاينىڭ گۈلشەن ئابباسنى دەرھال قويۇپ بېرىشنى تەلەپ قىلغان
- ئۇيغۇرشۇناسلار: پرىنسېتون ئۇنىۋېرسىتېتىدا «ئەزىز ئەيسا ئەلكۈن ئۇيغۇر ئەدەبىياتى ئەسەرلىرى توپلانمىسى» نىڭ بولۇشى تارىخىي ئەھمىيەتكە ئىگە
- ئامېرىكا ئەمگەك مىنىستىرلىقى يىغىنىدا «ئۇيغۇر مەجبۇرىي ئەمگىكىنىڭ ئالدىنى ئېلىش قانۇنى» نى قاتتىق ئىجرا قىلىش كېرەكلىكى قايتا تەكىتلەندى
- ھازىرقى زامان ئۇيغۇر ئەدەبىياتىغا بېغىشلانغان «قۇم ئاستىدىكى ئىزلار» ناملىق ئەسەر گېرمانىيەدە نەشر قىلىندى
- لوندون SOAS ئىنستىتۇتى تەرىپىدىن راھىلە داۋۇتنىڭ تۆھپىلىرى شەرىپىگە پەخرى دوكتورلۇق ئۇنۋانى بېرىلدى