Qaramay shehiride hijaplan'ghan ayallargha zerbe bérish dawamlashmaqta
2014.08.13

Igilen'gen uchurlardin melum bolushiche, qaramay shehiride 8-ayning 8-künidin 20-künigiche ötküzülidighan Uyghur aptonom rayonining 13-nöwetlik tenheriket musabiqisi sahibxaniliqini zimmisige alghan qaramay shehiri musabiqining bixeterliki nami astida Uyghurlargha bolghan nazaret we tekshürüshni kücheytish bilen birge yaghliq chekken we hijaplan'ghan ayallargha qarita zerbe bérishni dawamlashturghan.
Yerlik kishilerning bildürüshiche yaghliq artqan ayallar, saqal qoyghan erlerni, hemde ay yultuzluq mayka kiyin'genlerni kocha aptobuslargha chiqarmasliq, her bir kocha aptobus békitige qaranchuqlarni orunlashturush yolgha qoyulghan bolup, ular saqal qoyghan, yaghliq artqan Uyghurlarni körgen haman saqchilargha xewer qilip tutqin qilishigha mes'ul bolidiken.
Biz tepsiliy ehwal igilesh üchün qaramay shehirige téléfon qilip, sheher ahaliliridin melumat alduq.
Téléfonimizni qobul qilghan bir xanim qaramay shehiride yaghliq artqan ayallargha zerbe bérishte körgen we anglighanlirini bildürdi.
Tepsilatini yuqiridiki awaz ulinishidin anglighaysiler.