Роза ейида қәйсәридики һаҗәтмән уйғурларға маддий ярдәм тарқитип берилди

Ихтиярий мухбиримиз әркин тарим
2016.06.28
ramizanda-hejetmenlerge-yardem-1.jpg

Рамизанда һаҗәтмән уйғурларға 100 түрк лиралиқ сода картисидин 55ни вә нәқ пул тарқитиватқан көрүнүш. 2016-Йили 25-июн, қәйсәри түркийә. RFA/Erkin Tarim

ramizanda-hejetmenlerge-yardem-2.jpg

Рамизанда һаҗәтмән уйғурларға 100 түрк лиралиқ сода картисидин 55ни вә нәқ пул тарқитиватқан көрүнүш. 2016-Йили 25-июн, қәйсәри түркийә. RFA/Erkin Tarim

ramizanda-hejetmenlerge-yardem-3.jpg

Рамизанда һаҗәтмән уйғурларға 100 түрк лиралиқ сода картисидин 55ни вә нәқ пул тарқитиватқан көрүнүш. 2016-Йили 25-июн, қәйсәри түркийә. RFA/Erkin Tarim

ramizanda-hejetmenlerge-yardem-4.jpg

Рамизанда һаҗәтмән уйғурларға 100 түрк лиралиқ сода картисидин 55ни вә нәқ пул тарқитиватқан көрүнүш. 2016-Йили 25-июн, қәйсәри түркийә. RFA/Erkin Tarim

ramizanda-hejetmenlerge-yardem-5.jpg

Рамизанда һаҗәтмән уйғурларға 100 түрк лиралиқ сода картисидин 55ни вә нәқ пул тарқитиватқан көрүнүш. 2016-Йили 25-июн, қәйсәри түркийә. RFA/Erkin Tarim

Рамизан ейи мусулманларниң әң чоң ибадәт ейи һесаблиниду. Бу ай ичидә мусулманлар рози тутиду, қуран оқуйду. Закат вә фитрә қатарлиқ диний ибадәтлирини ада қилиду. Рамизан ейи мунасивити билән 6-айниң 25-күни қәйсәридики мусапир уйғурлар олтурақлашқан қору җайниң ичидә һаҗәтмән йетим балиларға, тул хотун, кесәл вә намрат уйғурларға нәқ пул, талла базарлардин йемәк-ичмәк алидиған карта тарқитип берилди. Чүштин кейин саәт бирдин ақшам иптар вақтиғичә давамлашқан бу паалийәттә қәйсәри вилайәтлик диний ишлар идариси муавин мәсули салиһ сәзин әпәнди, мәркизи истанбулда турушлуқ һәқйол вәхпиниң мәсуллиридин исмәт җонтар әпәнди вә шәрқий түркистан мәдәнийәт вә һәмкарлиқ тәшкилати рәиси сейит түмтүрк әпәндиләрдин тәркиб тапқан бир комитет һаҗәтмән уйғурларға қол қойдуруп ярдәм пули вә картиларни тарқитип бәрди.

Сейит түмтүрк әпәнди қәйсәридә 1600 әтрапида уйғур барлиқини, буларниң ичидә һаҗәтмән кишиләрниң саниниң көп икәнликини, 6-айниң 25-күни бир күн ярдәм пули тарқитилғанлиқини тәкитлиди.

Қәйсәри вилайәтлик диний ишлар идариси муавин мәсули салиһ сәзин әпәнди 6-айниң 25-күни 55 карта тарқитип бәргәнликини баян қилип мундақ деди: “биз вилайәтлик диний ишләр идариси болуш сүпитимиз билән һәр бири 100 түрк лиралиқ 55 карта тарқитип бәрдуқ. Бу сода қилиш картиси. Өткәндә 200 халтида ярдәм буюмлири апирип бәргән идуқ. Йәнә өткәндә һәр халта ичидә 10-15 килодин шекәр бар халтидин йүз әлликни апирип тарқитип бәрдуқ. Һейттин бурун худа буйруса һәр аилигә бир халтидин ун апирип тарқитип беримиз. Уларға ярдәм қилишни давамлаштуримиз.”

Салиһ сезин әпәнди рамизан ейиниң қериндашлиқ ейи икәнликини бу айда йетимләргә, кәмбәғәлләргә ярдәм қилишниң савабиниң зор болидиғанлиқини баян қилип мундақ деди: “рамизан ейи рәһмәт вә бәрикәт ейидур. Кишиләр бу айда рози тутуш арқилиқ, ач қалған кишиләрни техиму яхши һес қилалайду. Шуңа сәдиқилирини, фитрәлирини вә закатлирини һаҗәтмән кишиләр билән ортақлишиду. Униң үстигә рамизан ейи қериндашлиқ туйғулири күчәйгән бир ай. Мусулманлар оттурисидики өз ‏- ара һәмкарлиқни күчәйтидиған бир айдур. Шуңа дөлитимизгә кәлгән бу мусапир қериндашлиримизға һәр җәһәттин ярдәм қилишимиз керәк.”

Уйғур мәһәллисиниң имами әмин қарим 6-айниң 25-күни қәйсәри диний ишлар идарисидин кәлгән кишиләр билән истанбулдин кәлгән кишиләрниң һаҗәтмән уйғурларниң һәммисигә ярдәм тарқитип бәргәнликини баян қилди.

Әмин қарим чәтәлдики уйғурларни йеңи кәлгән һаҗәтмән уйғурларға ярдәм қилса көп савап алидиғанлиқини тәкитлиди.

Қиммәтлик радийо аңлиғучилар, биз игилигән мәлуматларға асасланғанда, 2014-2015-йиллирида шәрқий җәнуби асия арқилиқ түркийәгә кәлгән уйғурларниң сани 7 миң әтрапида болуп, бу уйғурларниң ичидә көплигән тул аял вә балилар бар. Булар түрк аммиви тәшкилатлири вә бәзи уйғурларниң ярдими билән турмуш көчүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.