Shwétsiye parlaméntidiki iptar ziyapitige Uyghurlarmu qatnashti

Ixtiyariy muxbirimiz ihsan
2014-07-11
Share
shwetsiye-parlament-uyghur-iftar-iptar-1.jpg Shwétsiye parlaméntidiki iptar ziyapiti
RFA/Ehsan



2014 - Yili 10 - iyul shwétsiye parlaméntida bérilgen iptar ziyapitige Uyghurlarmu qatnashti we Uyghur mesilisini anglitish pursitige ige boldi.

Mezkur ziyapetni uyushturghan yéshillar partiyesi ezasi mehmet qaplan ependi ziyaritimizni qobul qilip, nöwette Uyghurlargha qaritilghan diniy bésim siyasetlirini shwétsiye tashiqi ishlar wazaritige melum qilip, ularni inkas qayturushqa dewet qilidighanliqini bildürdi.

Shwétsiye yawropadiki eng mötidil hemme dinlargha hörmet qilidighan, köp din, köp millet, köp xil medeniyet ariliship yashaydighan dölet bolup, shwétsiyediki 3 - orunda turuwatqan shwétsiye yéshillar partiyisi her yili ramzanda shwétsiye parlaméntida iptar ziyapiti bérip kelmekte.

Bu qétimqi iptar ziyapitini shwétsiye yéshillar partiyisi namida yéshillar partiyisidin parlamént ezasi, hemde partiyidiki guruppa bashliqi, shundaqla shwétsiye parlaméntida qurulghan “Shwétsiye - Uyghur dostluq we hemkarliq guruppisi” ning mu'awin mes'uli mehmet qaplanning orunlashturushi bilen ötküzüldi.

Shwétsiye parlaméntida tunji qétimliq iptar bérish 2006 - yili bashlighan bolup, 8 yil mabeynide her yili her millet musulmanliri ramzan éyida iptar ziyapiti bérip kelmekte.

2009 We 2012 - yili shwétsiye parlaméntida sherqiy türkistan musulmanlirigha wakaliten “Shwétsiye Uyghur ma'arip uyushmisi” iptar bérip, iptargha kelgen méhmanlargha sherqiy türkistan mesilisi anglitilghan idi.

Bu qétimqi iptar ziyapitige shwétsiyediki barliq islam teshkilatliri teklip qilin'ghan bolup, teshkilatlarning mes'ulliri we wekilliri ishtirak qildi. Bu iptar ziyapitige shwétsiyediki Uyghurlargha wakaliten “Shwétsiye Uyghur ma'arip uyushmisi” idare hey'etlirimu teklip bilen qatnashti.

Biz iptar ziyapiti ayaghlashqandin kéyin parlamént ezasi muhemmet qaplanni ziyaret qilduq.

U ziyaritimizni qobul qilip, sherqiy türkistanda xitay da'irilirining ramizan mezgilde roza tutushni chekligenlikige qarita inkaslirini bayan qildi.

Parlamént ezasi muhemmet qaplanning ikki qétimliq parlamént ezasi bolush waqti toshqan bolup, hazir partiyisidin sitohxolum sheher bashliq we ministirliq namzatliqigha körsitilgen idi.

Biz siz parlamént ezasiliq wezipisidin qélip, sheher bashliqi we ministir bolup qalsingiz shwétsiye - Uyghur dostluq guruppisining dawamlishishigha tesir bolamdu dégen so'alimizgha qarita mundaq jawab berdi.

Parlaménttiki iptar zalining 120 kishilik orun méhmanlar bilen toldi.

Iptardin kéyin türkiye “ATV” téléwiziye qanilining ziyaritini qobul qilghan Uyghur ma'arip uyushmisining mu'awin re'isi exmetjan tursun, bügünki iptar toghrisidiki tesirati we sherqiy türkistan iptar ziyapiti bilen perqler toghrisida soralghan so'aligha qarita öz tesiratini bayan qilish bilen birge, bu yilqi ramizan aylirida xitay da'iriliri sherqiy türkistan xelqige qaratqan diniy cheklime siyasitini anglatti.

Axirda ziyaritimizni qobul qilghan Uyghur ma'arip uyushmisining bash katipi abdulla ehed bügünki ipar tesiratini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet