Доктор майсәм мутәллипова: «мән пәқәт уйғурлуқ қәрзимни ада қиливатимән!»

Мухбиримиз меһрибан
2019-11-07
Елхәт
Пикир
Share
Принт
Алимә майсәм мутәллипова ханим харвард университетида ялғуз кишилик намайишни давам қилмақта.
Алимә майсәм мутәллипова ханим харвард университетида ялғуз кишилик намайишни давам қилмақта.
RFA/Eziz

Доктор майсәм мутәллипова америкадики әң нопузлуқ алий мәктәпләрдин бири болған масачуссетс технологийә институти (MIT) ғол һүҗәйрә тәтқиқат мәркизиниң директори. У йәнә заманимиздики хәлқараға тонулған уйғур алимәси. Майсәм ханимниң бир алимә вә юқири сәвийәлик тәбиий тәтқиқатчиси болупла қалмастин, бәлки уйғур хәлқиниң нөвәттә дуч келиватқан паҗиәлик реяллиқини дуняға аңлитиш йолидики тиришчанлиқлири нурғун кишиләрни тәсирләндүрмәктә.

Майсәм ханим тәтқиқат хизмитиниң шунчә алдирашлиқиға қаримай, бу йил әтияздин башлап өзиниң шәнбә вә йәкшәнбилик дәм елиш күнлиридә бостундики харвард университетиниң мәйданида ялғуз кишилик намайиш өткүзүп, уйғур дияридики лагерлар вә лагерлардики уйғур тутқунларниң ечинишлиқ әһвалини аңлитип кәлмәктә.

Мәлум болушичә, у йеқиндин буян бостундики хоңкоңлуқ, тибәтлик вә тәйвәнлик паалийәтчиләр билән бирликтә хитай һөкүмитиниң мустәбит сияситигә қарши бирләшмә наразилиқ паалийәтлирини уюштурмақтикән. У йәнә америка дөләт мәҗлисиниң кеңәш палата вә авам палата әзалириға хәт йезип, уйғурларниң нөвәттики вәзийитини аңлитиш һәрикитини башлиған.

Радийомиз зияритини қобул қилған майсәм ханим өз паалийәтлири һәққидә тохтилип, «мән пәқәт бир уйғурлуқ қәрзимни ада қиливатимән. Мән техиму көп уйғур зиялийлириниң бу сәпкә қошулушини үмид қилимән,» деди.

Тәпсилатини юқириқи аваз улиништин аңлиғайсиз.

Пикирләр (0)
Share
Толуқ бәт