Әнглийә парламенти әзаси уйғурларни қоллайдиғанлиқини билдүрди

Мухбиримиз җүмә
2020.09.20
henry_smith.jpg Әнглийә парламентиниң консерватиплар партийәси әзаси һенри смит.
Social Media

Әнглийә парламентиниң консерватиплар партийәси әзаси һенри смит йәкшәнбә күни елан қилған баянатида әнглийә парламент әзалири уйғур елидики җаза лагерлири үстидин башлиған тәкшүрүшләрни қоллайдиғанлиқини билдүрди.

У, әнглийәдин чиқидиған “кравлй хәвәрлири 24” қанилида елан қилған мәзкур баянатида, хитайниң уйғур районидики уйғурлар вә башқа етник гуруппиларға қаратқан бастурушлиридинму муһимрақ бирәр тема йоқлуқини ейтти. 

У мундақ деди: “бу аз санлиқлар хитай коммунист диктаторлири тәрипидин кәң көләмлик тутқун қилинди. Шинҗаңдин чиқиватқан рәсимләргә қариғинимизда буларни дәрһал натсистлар германийәси садир қилған җинайәтләргә селиштурмай туралмаймиз.”

У йәнә әнглийә авам палатаси ташқи ишлар комитетиниң әзаси болуш сүпитидә, хитай коммунист партийәсиниң уйғур райондики җинайәтлиридә мәсулийити бар хадимлирини кейинки нөвәтлик җаза тәдбирлири ичигә киргүзүшни қоллайдиғанлиқини ейтти. 

16-Сентәбир, әнглийә парламенти авам палатасиниң ташқи ишлар комитети хитайниң уйғур дияридики җаза лагерлирини тәкшүрүшни қарар қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.