Sitokholmda ghulja qirghinchiliqining 28-yilliqi munasiwiti bilen namayishi ötküzüldi
2025.02.03
5-Féwral ghulja qirghinchiliqigha naraziliq bildürüp xitay elchixanisi aldida ötküzülgen namayishta ottura asiyadin kelgen Uyghur yash ilyar sözlimekte. 2025-Yili 2-féwral, sitokholm, shiwétsiye.
RFA/Hebibulla Izchi
1997-Yili 2-ayning 5-küni ghulja shehiride, ghulja xelqining xitay hökümitining basturushlirigha qarshi élip barghan naraziliq namayishi qanliq basturulghanidi. Shuningdin buyan, “5-Féwral ghulja qirghinchiliqi” Uyghur xelqi we muhajirettiki Uyghurlar teripidin her xil shekilde xatirilinip kelmekte. Bu yilmu yene shiwétsiye paytexti sitokholmdiki xitay elchixanisi aldida shiwétsiye Uyghur ma'arip uyushmisining orunlashturushida, naraziliq namayishi élip bérilghan.
Bu munasiwet bilen ziyaritimizni qobul qilghan shiwétsiye Uyghur ma'arip uyushmisining mu'awin re'isi exmetjan bu namayishni orunlashturushning meqsiti heqqide qisqiche toxtilip ötti.
Mezkur qanliq weqe shu dewrlerni bashtin kechürgen Uyghurlarda paji'elik eslimilerni qaldurghan. Shu waqittiki bezi shahitlarning bildürüshiche, xitay qoralliq saqchi qismi ghulja kochilirida qollirida lozunkilarni kötürgen Uyghur yashlirini qirghin qilghan we namayishchi ammigha zimistan qishta soghuq su chéchip basturghan.
Shiwétsiye Uyghur ma'arip uyushmisidin abdulla kökyar özining bu heqtiki köz qarashlirini radiyo anglighuchilar bilen ortaqlashti.
Xitay elchixanisi bu qétimmu her yildikige oxshashla namayishchilarning awazini basturush üchün kanaylar bilen qizil naxshilarni quyuwetken bolsimu emma bu, namayishchilarning awazini bésip chüshelmigen. Abdulla kökyar yene bu heqtiki tepsilatlarnimu toxtilip ötti.
Bu namayishqa shiwétsiye Uyghur birliki ezalirimu qatnashqan bolup, birliktin néjat ependimu “Namayishlargha teshkilat we shexs qarishidin halqip awaz qoshush we ittipaqlishishining muhim” ikenlikini tekitlep ötti.
Ghulja qirghinchiliqigha aridin 28 yil ötken bolsimu, muhajirettiki Uyghurlar her yili dunyaning herqaysi jaylirida özliri turushluq döletlerde bu qirghinchiliqni türlük pa'aliyetler bilen xatirilep, xitay zulumigha qarshi her xil naraziliq namayishliri ötküzmekte, bu qirghinda hayatidin ayrilghanlarning rohigha atap xetme qur'an oqush qatarliq pa'aliyetlernimu élip barmaqta.
Köp körülgen xewerler
RFA
- Memet éziz sadiq türkiye sotida xitay üchün jasusluq qilish jinayiti bilen eyiblinip 12 yilliq qamaqqa höküm qilin'ghan
- Türkiye soti tunji qétim, erkin abduweli isimlik Uyghurni xitaygha qayturup bérish qararini élan qildi
- Qeshqer peyziwatta ahaliler roza tutmaywatqanliqi heqqide mes'ul kadirlargha ispat yollashqa mejburlan'ghan
- Firansiye metbu'atliri: xitayning dilnur reyhan üstidin erz qilishi edliye jehettin parakendichilik sélishtur
- Ma shingruy: “Amérikaning shinjanggha yürgüzgen émbargosi 144 din artuq karxanigha tesir qildi”
Köp körülgen xewerler
Tepsiliy xewer
- Yawropa parlaménti taylandning Uyghurlarni xitaygha qayturghanliqigha qarshi qarar layihesi maqullidi
- Xitayning “Jenubiy shinjang xizmet yighini” we “Büyük shahmat istratégiyesi”
- D u q ayallar komitéti 8-mart küni Uyghur ayallirining roli heqqide tor söhbet yighini ötküzdi
- Xitay, amérika bilen her qandaq jengge kirishke hazir ikenliki heqqide quruq heywe körsetken
- Lagér shahitliri: “Uyghur ayalliri irqiy qirghinchiliqning nishani qilinmaqta”