Amérikining awi'amatka zerbe bérish guruppisi jenubiy déngizgha kirdi

Muxbirimiz memetjan jüme
2021-04-11
Share
Amérikining awi'amatka zerbe bérish guruppisi jenubiy déngizgha kirdi 2021-Yili 10-aprél amérikining awi'amatka zerbe bérish guruppisi jenubiy déngizgha kirdi.
Social Media

Amérika déngiz armiye tetqiqat institutining xewer qilishiche, xitayning déngiz xelq eskerliri filippinning alahide iqtisadiy rayonigha bésip kirip, rayon weziyiti jiddiyleshken mezgilde, amérikaning bir awi'amatka zerbe bérish guruppisi we bir hemmebap (quruqluq we suda teng jeng qilishqa teyyar) urush paraxoti guruppisi jenubiy déngizgha kirgen we manéwir bashlighan.

Amérika 7-flotining bildürüshiche, 10-aprél jenubiy déngizgha kirgen amérika qisimliri, té'odor rozwélt CSG awi'amatka zerbe bérish guruppisi, makin arili ARG–15 hemmebap urush paraxoti guruppisi, déngiz armiye piyadilirining déngiz ékspéditsiye etriti qatarliqlardin terkib tapqan iken.

Filippin da'iriliri ötken hepte xitayning déngiz xelq eskerlirige tewe 44 paraxot filippinning déngiz qirghiqigha yéqin jaydiki witsün marjan aralliri etrapigha toplan'ghanliqini melum qilghan.

Melumatlargha qarighanda, bu "Déngiz xelq eskerliri" resmiy herbiy qoshun bolmisimu, emma xitay hökümiti biwasite maliye bilen teminleydighan qoralliq küch bolup, xitay bularni xitaygha déngiz arqiliq chégrilinidighan ellerge bésim ishlitish we toqunush peyda qilish üchün qollinip kelgen iken.

Bu yil martta, xitayning bu xildiki 200 din artuq kémisi nachar hawarayidin panahlinish bahaniside, filippin'gha tewe aral etrapigha yötkelgen.

Jüme küni, amérika tashqi ishlar ministiri antoniy bilinkén filippin tashqi ishlar ministiri loksin bilen téléfonlashqanda, xitay paraxotlirining witsun marjan arallirigha toplinishidin endishilen'genlikini bildürgen we washin'gton bilen manila otturisidiki "Öz-ara mudapi'e shertnamisi" ning jenubiy déngizgha qollinilidighanliqini qayta tekitligen.

Amérika dölet mudapi'e ministirliqining bayanatchisi jon kirbining bildürüshiche, dölet mudapi'e ministiri ostin amérikining öz ittipaqdashliri bilen bir septe turidighanliqini éytqan.

Aldinqi ayning axirida, tashqi ishlar ministiri antoniy billinkén eger filippin hujumgha uchrisa amérikining uni qoghdash wediside ching turidighanliqini qayta mu'eyyenleshtürgen idi.

Amérika déngiz armiye tetqiqat institutining bildürüshiche, xitayning bu atalmish "Déngiz xelq eskerliri" paraxotlirining xitayning déngiz qirghiqi muhapizet etriti we xitay déngiz armiyesi paraxotliri bilen hemkarliship meshghulat qiliwatqanliqi bayqalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet