Д у қ вәкиллири төт тәрәп бирләшмә муһакимә йиғиниға қатнашти

Ихтиярий мухбиримиз әкрәм
2015.06.04
Share on WhatsApp
Share on WhatsApp
umid-agahi-perhat-muhemmidi.jpg Стутгарт шәһиридә өткүзүлгән хитай, уйғур, тибәт моңғул 4 тәрәп бирләшмә йиғиниға қатнашқан д у қ вәкиллиридин үмид агаһи(оңда) вә пәрһат муһәммиди әпәндиләр. 2015-Йили 3-июн, германийә.
RFA/Ekrem

Явропада 4-июнни хатириләш намида өткүзүлгән хитай, уйғур, тибәт, моңғулдин ибарәт 4 тәрәп бирләшмә йиғини 3-июн күни германийәниң стутгарт шәһиридә башланған болуп, америка вә явропа әллиридин топланған демократик хитайларниң түрлүк партийә-гуруһлириниң башлиқлири һәм тибәтликләр, моңғулларниң вәкиллири қатнашқан бу йиғинға д у қ вәкиллириму иштирак қилған.

Йиғин 3-июн күни кәчтә стутгарт шәһиридики Holiday INN меһманханисида өткүзүлгән.

Йиғинни тәшкилләшкә мәсул болған “пүтүн дуня хитай вә асияниң демократийә мунбирини қоллаш” тәшкилатиниң директори фей ляңйоңниң бүгүн фирансийә авазиға билдүрүшичә, бу йиғинға чәтәлләрдә паалийәт елип бериватқан хитай тәшкилатлиридин демократик хитай фронти, хитай җумһурийәтчиләр партийиси, хитай демократлар партийиси, хитай йешиллар партийиси, ички моңғул хәлқ партийиси, тибәт тәшкилатлири һәм далай ламаниң явропадики вәкиллири билән биргә д у қ вәкиллириму қатнашқан.

Йиғинға йәнә явропаниң һәрқайси әллиридики хитай тәшкилатлириниң вәкиллири, тәйвәнликләр, франсузлар вә германийәниң сиясий, диний саһәсидики бир қисим кишилири болуп 10 дин артуқ дөләттин кәлгән 50 тин артуқ киши тәклип қилинған.

3-Июн күни Holiday INN меһманханисида өткүзүлгән йиғинниң асасий темиси “тйәнәнмен вәқәсиниң 26 йиллиқини хатириләш муһакимә йиғини” болсиму, йиғинда хитайниң демократийигә көчүш мәсилиси нуқтилиқ музакирә қилинған. Һәр қайси әлләрдин кәлгән вәкилләр йиғинда өз қарашлирини билдүрүп өтүшкән.

Бу қетимқи йиғинға д у қ вәкили болуп қатнишиватқан қурултайниң муавин рәиси үмид агаһи әпәнди вә қурултай нәшрият-тәшвиқат мәркизиниң мудири пәрһат муһәммиди әпәндиләр бүгүн зияритимизни қобул қилғанда, бу қетимқи йиғинниң зор әһмийәткә игә бир йиғин болғанлиқини алаһидә тәкитләп, йиғинниң тәпсилати тоғрулуқ бизгә әтраплиқ мәлуматлар бәрди. Тәпсилатини төвәндики сөһбәттин аңлиғайсизләр.

Йиғин күнтәртибидин мәлум болушичә, 4-июн күни чүштин кейин стутгарт шәһиридә йәнә “4-июн тйәнәнмен вәқәси”гә аит рәсим көргәзмиси вә нутуқ сөзләш паалийити өткүзүлидикән. 4-Июн кәчтә болса, ләһман кулубида тәзийә мурасими өткүзүлүп, 4-июн қирғинчилиқиниң мәлуматлирини германийә диний саһәсиниң тәшвиқати арқилиқ хәлқ ичигә кәң йейиш мәқсити ишқа ашурулидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.