Bélgiyede 5-iyul weqesi munasiwiti bilen namayish élip bérildi

Ixtiyariy muxbirimiz ekrem
2017-07-03
Share
belgiye-5-iyul-2017-namayish.jpg 5-Iyul ürümchi weqesining 8 yilliqini xatirilesh munasiwiti bilen élip bérilghan namayishta xatire süret. 2017-Yili 1-iyul, bélgiye paytexti biryussél.
RFA/Ekrem

1-Iyul küni bélgiye paytexti biryussélda 5-iyul weqesining 8 yilliqini xatirilesh munasiwiti bilen namayish élip bérildi.

D u q öz tor betliri we ijtima'iy taratqularda 5-iyul weqesining 8 yilliqini munasiwiti bilen 6-ayning 21-küni chaqiriq élan qilip, pütün dunyadiki Uyghur jama'itini xitaygha qarshi namayish qilish, xatirilesh murasimliri ötküzüsh, b d t kishilik hoquq kéngishi, yawropa parlaménti, islam döletliri teshkilatliri, herqaysi döletlerning parlaméntliri, tashqi ishlar ministirliqi we xelq'araliq kishilik hoquq teshkilatlirigha 5-iyul weqesidin buyanqi xitayning zulum siyasetliri toghruluq mexsus xet yollash, axbarat sahesidikilerni teklip qilip, 5-iyul ürümchi weqesidin buyanqi weziyetni, bolupmu xitayning axirqi bir yildin buyan élip bériwatqan türlük siyasetlirini pash qilishni telep qilghan idi.

Bélgiyediki Uyghurlar 1-iyul küni paytext biryusséldiki sheherning merkizi meydanigha jem bolup namayish élip barghan. Bélgiyediki siyasiy aktiplardin gülnisa xanim bizge bu heqte melumat bérip, namayishning nahayiti hayajanliq ötkenlikini tilgha aldi.

Bélgiye Uyghur jem'iyitining re'isi abdullam imerow ependimu 1-iyuldiki namayish heqqide toxtilip, bu namayish toghrisidiki tesiratlirini bildürüp ötti. Bélgiyede yashawatqan Uyghurlardin ibrahim isma'il ependimu bu heqte hés-tuyghulirini bayan qildi. Yéqinda wetendin chiqip bélgiyege kélip siyasiy panahliq tiligen eli hajimu özining bu namayishqa qatnishishidiki meqsitini tilgha aldi.

Melum bolghinidek, 2009-yili 5-iyul ürümchide yüz bergen namayish we uning qanliq basturulush weqesi pütün dunyada zor ghulghula qozghighan, Uyghurlar mesilini bir mezgil xelq'ara metbu'atlarning qiziq témisigha aylandurghan idi. Mezkur weqede ölgen, yarilan'ghan, iz-déreksiz ghayib bolghanlarning sani heqqide xitay hökümiti hazirgha qeder toluq melumat élan qilmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.