5000 Kishilik namayishqa qatnashqan Uyghurlarning yürek sadasi

Ixtiyariy muxbirimiz ekrem
2018.04.30
Share on WhatsApp
Share on WhatsApp
5000-kishilik-namayish-1.jpg

Bélgiye paytexti biryussélda ötküzülgen zor kölemlik namayishtin körünüsh. 2018-Yil 27-aprél. Biryussél, bélgiye. RFA/Ekrem

5000-kishilik-namayish-2.jpg

Bélgiye paytexti biryussélda ötküzülgen zor kölemlik namayishtin körünüsh. 2018-Yil 27-aprél. Biryussél, bélgiye. RFA/Ekrem

5000-kishilik-namayish-3.jpg

Bélgiye paytexti biryussélda ötküzülgen zor kölemlik namayishtin körünüsh. 2018-Yil 27-aprél. Biryussél, bélgiye. RFA/Ekrem

5000-kishilik-namayish-4.jpg

Bélgiye paytexti biryussélda ötküzülgen zor kölemlik namayishtin körünüsh. 2018-Yil 27-aprél. Biryussél, bélgiye. RFA/Ekrem

5000-kishilik-namayish-5.jpg

Bélgiye paytexti biryussélda ötküzülgen zor kölemlik namayishtin körünüsh. 2018-Yil 27-aprél. Biryussél, bélgiye. RFA/Ekrem

5000-kishilik-namayish-6.jpg

Bélgiye paytexti biryussélda ötküzülgen zor kölemlik namayishtin körünüsh. 2018-Yil 27-aprél. Biryussél, bélgiye. RFA/Ekrem

27-Aprél biryussélda ötküzülgen zor namayishqa qatnashqan Uyghurlar özlirining yürek sadalirini anglatti.

Dunya Uyghur qurultiyining orunlashturushi bilen 27-aprél bélgiye paytexti biryussélda ötküzülgen zor namayishqa qatnishish üchün 20 ge yéqin dölettin kelgen Uyghurlar namayish esnasida ziyaritimizni qobul qilip, özlirining bu qétimqi namayishqa qatnishishtiki meqsiti heqqide yürek sözlirini bayan qilishti.

D u q ijra'iye komitétining re'isi ömer qanat ependi mezkur namayish toghrisida toxtalghanda “Bu namayish, muhajirettiki Uyghurlarning milliy mujadile tarixidiki misli körülmigen bir namayish boldi,” dédi.

Kanadaning torunto shehiridin kélip bu namayishqa qatnashqan mahire ghopur xanim, özining bu qétimqi namayishqa qatnishishidiki meqsitini “Uyghur xelqining derd-elemlirini dunyagha anglitish üchün,” dep izahlidi. Shiwétsiyedin kelgen abdulla kökyar ependi “Xitay hakimiyitining sherqiy türkistandin chiqip kétishini telep qilish üchün bu namayishqa qatnashtim,” dédi. Bélgiyedin bu namayishqa qatnashqan gülnisa xanim bolsa “Uyghurlarning awazini yawropa birlikige anglitish üchün bu namayishqa qatnashtim,” dédi.

Biryussélda ötküzülgen namayishqa qatnashqan minglighan Uyghurlar in'glizche, Uyghurche we bélchikche tillarda “Jaza lagérlirigha qamalghan bir milyon Uyghur qoyup bérilsun!”, “Uyghurlargha erkinlik!”, “Sherqiy türkistan'gha musteqilliq!”, “Xitaylar sherqiy türkistandin chiqip ketsun!” dégendek her xil sho'arlarni towlap, yawropa birlikining xizmet binasi etrapidiki kochilarni lerzige saldi.

Gollandiyedin kelgen abdughéni ependi xitayning “Yépiq terbiyelesh merkizi” namidiki jaza lagérlirigha qarshi ghezeplirini ipadilesh üchün bu namayishqa kelgenlikini tilgha aldi. Shiwétsariyedin kelgen kerim ependi bolsa “Sherqiy türkistanning azadliqi üchün bu namayishqa qatnashtim,” dédi.

Namayish “Sherqiy türkistanning istiqlal marshi” bilen bashlan'ghan bolup, biryusséldiki yawropa ittipaqi komissiyoni aldida “Istiqlal marshi” yangrighanda, nurghunlighan Uyghurlarning özlirini tütiwalalmay köz yashlirini tökkenlikige köpligen kishiler guwahchi boldi.

Biryussél shehiride 27-aprél ötküzülgen bu namayishqa herqaysi ellerdin kelgen Uyghurlar ay-yultuzluq kökbayraqtin sirt yene özliri yashawatqan döletlerning bayraqlirinimu kötürüp kocha aylan'ghan.

Igilinishiche, d u q ning re'isi dolqun eysa we ijra'iye komitétining re'isi ömer qanat ependiler namayish axirlashqandin kéyin yawropa parlaménti tashqi ishlar komitétining rehberliri bilen uchrishishlar ötküzgen. Ömer qanat ependining éytishiche, bu uchrishishta, yawropa birlikining rehberliri namayishtin xewer tapqanliqlirini we Uyghurlarning sho'ar sadalirini öz ishxanisida olturupmu anglighanliqlirini bildürüshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.