Almatada Uyghur élidiki insaniy erkinliki üchün shéhit bolghanlar xatirilendi

Ixtiyariy muxbirimiz oyghan
2014-01-14
Share
almata-qazaqistan-uyghur-shehit-xatire-1.jpg Ötken yili Uyghur diyarida yüz bergen qanliq weqelerde shéhit bolghan qérindashlirini eslesh murasimidin körünüsh. 2014-Yili 10-yanwar, almata.
RFA/Oyghan

10-Yanwarda almataning sultanqorghan mehellisidiki bir kaféxanida jem bolghan Uyghurlar ötken yili Uyghur diyarida yüz bergen qanliq weqelerde shéhit bolghan qérindashlirini eslesh murasimini ötküzdi.

Aldi bilen mehemmetjan hajim azadliq we erkinlik üchün qurban bolghanlargha atap qur'an oqughandin kéyin, tonulghan qazaqistanliq siyasetshunas qehriman ghojamberdi doklat qildi. U, öz doklatida üch mesile heqqide, yeni, birinchidin, 2013-yili Uyghur élida yüz bergen qanliq paji'eler, ularning kélip chiqish sewebliri we aqiwetliri, ikkinchidin, mushu jeryanda rabiye qadir rehberlikidiki dunya Uyghur qurultiyining élip bériwatqan pa'aliyetliri, üchinchidin, bügünki künde Uyghur élida shekillen'gen weziyetke qarita xitay da'irilirining qolliniwatqan siyasiti mesililiri toghrisida tepsiliy toxtaldi.

Mezkur pa'aliyetke bir munche qazaq ziyaliylirimu qatnashti. Atap éytqanda, "Qazaqiya" gézitidin malik isabékof, "Qazaq géziti" din abdurashit ebubekir oghli, jem'iyet erbabi bolat düysénbinoflar Uyghurlarning uzun tarixqa we bay medeniyetke ige xelqlerning biri ikenlikini, buningdin Uyghur yashlirining meghrurlinishqa toluq hoquqi barliqini, bügünki künde özlirining Uyghurlargha hésdashliqini bildüridighanliqini ilgiri sürdi. Buningdin tashqiri murasimda tursun hajim arziyéf, dunya Uyghurliri ayallar komitéti re'isining ottura asiya boyiche mu'awini asiyem turdiyéwa we bashqilar Uyghur milliy herikiti heqqide öz pikirlirini otturigha qoysa, sha'ir we yazghuchilar tashgül héziyarowa, malik sadirof, abduxaliq mahmudoflar birlik, ittipaqliq, musteqilliq heqqide shé'irlirini oqudi.

Radi'omiz ziyaritini qobul qilghan tursun hajim arziyéf murasim heqqide qarashlirini otturigha qoydi.

Tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet