Uyghurlar washin'gtondiki xitay elchixanisi aldida matem bayanati berdi

Dunya Uyghur qurultiyi séntebirning béshida chaqiriq élan qilip “1-Öktebir xitay hökümiti tentene bilen ötküzmekchi bolghan atalmish ‛Uyghur aptonom rayoni‚ qurulghanliqining 60 yilliq toy küni bolsa, sherqi türkistan xelqi üchün bir matem we musibet künidur!” dep jakarlidi we bu munasiwet bilen chet'ellerdiki pütün sherqi türkistan teshkilatlirigha, Uyghur jama'itige 1-öktebirning aldi-keynide, özliri pa'aliyet élip bériwatqan döletlerning qanunliri yol qoyghan da'iride, namayish we yighilish pa'aliyetliri qatarliq her xil shekildiki naraziliq pa'aliyetlirini élip bérishni telep qilghan idi.

Mana bügün, 30-séntebir paytext washin'gton alahide rayoni we uning etrapida yashawatqan Uyghurlar, xitayning washin'gtondiki bash elchixanisi aldigha yighilip xitay kommunist armiyisi 1949-yili sherqi türkistanni ishghal qilghanliqining 66 yilliqi, 1955-yili “Shinjang Uyghur aptonom rayoni” qurulghanliqini jakarlighanliqining 60 yilliqi munasiwiti bilen keng kölemlik naraziliq namayishi ötküzdi. Bu namayishqa Uyghur milliy herikiti rehbiri rabiye qadir xanim özi yétekchilik qildi we xitayning 60 yildin buyan Uyghurlargha qarita yürgüzüwatqan irqiy, milliy qirghinchiliqi, zulum we bésim siyasiti pash qilin'ghan we eyiblen'gen mezmunda naraziliq bayanati élan qildi.

Yuqiridiki ulinishtin, muxbirimizning neq meydandin bergen melumatining tepsilatini anglaysiler.