Chikago we san-fransiskodiki Uyghurlar 27-apréldiki namayish tesiratini bayan qildi

Muxbirimiz méhriban
2018.04.30
Share on WhatsApp
Share on WhatsApp
chikagoda-namayish-5000-kishilik.jpg D u q ning “27-Apréldiki 5000 kishilik namayish” chaqiriqigha awaz qoshup, san-fransisko shehiride ötküzülgen namayishtin körünüsh. 2018-Yili 27-aprél.
Photo: RFA


Dunya Uyghur qurultiyining “27-Apréldiki 5000 kishilik namayish” chaqiriqigha awaz qoshqan amérikining chikago we san-fransisko sheherliridiki bir qisim Uyghurlar shu küni özliri turushluq sheherlerdiki xitay konsulxaniliri aldida namayish ötküzgen. Namayishtin kéyin ular radiyomiz ziyaritini qobul qilip, öz tesiratlirini bayan qildi.

Amérikining chikago shehiride namayish teshkilligüchilerdin qelbinur xanim, 27-aprél küni chikagodiki xitay konsulxanisi aldida ötküzülgen Uyghurlarning naraziliq namayishi heqqide melumat berdi.

Qelbinur xanimning bildürüshiche, uning amérikigha kelginige 3 yil bolghan iken. U amérikigha kélishtin ilgirila yurti aqsuda ikki taghisi tutqun qilinip, 10 yilliq qamaqqa höküm qilin'ghan iken. U yéqinda yene uruq-tughqanliridin 30 din artuq kishining tutqun qilinip, “Yépiq terbiyelesh lagéri” gha qamalghanliqidin xewer tapqan.

Qelbinur xanim özini we chikago etraptiki Uyghurlarni chikagodiki xitay konsulxanisi aldida naraziliq bildürüshke élip kelgen küchning yurtliridiki jaza lagérlirida azab chékiwatqan qérindashliri üchün heqqaniyet telep qilish iradisi ikenlikini tekitlidi.

27-Aprél küni yene amérikining san-fransisko shehiridiki xitay konsulxanisi aldidimu Uyghurlarning naraziliq namayishi élip bérilghan.

Kaliforniyedin ziyaritimizni qobul qilghan tumaris xanim bilen memet ependilerning bildürüshiche, san-fransisko shehiridiki xitay konsulxanisi aldida ötküzülgen naraziliq namayishini dunya Uyghur qurultiyining chaqiriqigha awaz qoshush yüzisidin “Shimaliy kaliforniye Uyghur uyushmisi” ning ezaliri we Uyghur ayallirining “Bir awaz, bir qedem” namayish guruppisidiki pida'iylar birlikte teshkilligen iken.

Tumaris xanim 27-aprél kaliforniyening san-fransisko shehiride ötküzülgen namayish heqqidiki tesiratlirini bayan qildi. Uning bildürüshiche, bu yil 15-marttiki “Bir awaz, bir qedem” namayishidin kéyin, bu yerdiki Uyghurlar arisida xitay hökümitige qarshi naraziliq pa'aliyetlirige qatnishish qizghinliqi téximu kücheygen. U, erkin döletlerde yashawatqan her bir Uyghurning mushu xildiki naraziliq pa'aliyetliri arqiliq yurtida azab tartiwatqan Uyghur qérindashliri aldidiki wijdaniy burchini ada qilishining zörürlükini otturigha qoydi.

Namayish teshkilligüchilerdin “Shimaliy kaliforniye Uyghur uyushmisi” ning ezasi memet weli ependi ziyaritimizni qobul qilip, özlirining bundin kéyinki pa'aliyetliride dunya Uyghur qurultiyigha yéqindin hemkarliship, kaliforniyede téximu köp pa'aliyetlerni teshkilleydighanliqini, Uyghurlarning weziyiti heqqidiki doklat we tekliplerni teyyarlap, kishilik hoquq teshkilatliri we kaliforniye shtatidiki munasiwetlik hökümet organlirigha yollaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.