"Ana til xelq'ara soda cheklik shirkiti" ning mudiriyet ezaliri qandaq tutqun qilin'ghan?

Muxbirimiz qutlan
2014-02-13
Élxet
Pikir
Share
Print
"Ana til xelq'ara soda cheklik shirkiti" teripidin uyushturulghan yighnilardin bir körünüsh
"Ana til xelq'ara soda cheklik shirkiti" teripidin uyushturulghan yighnilardin bir körünüsh
RFA/Qutlan


Yene bir heptidin kéyin abduweli ayup, dilyar obul we muhemmetsidiq qatarliq ana til ma'aripi herikitining yétekchiliri tutqun qilin'ghanliqigha top - toghra 6 ay tolidu.

Az kem 6 aydin buyan, ularning ata - ana, bala - chaqa we a'ile ezaliri, dost - buraderliri shundaqla pütkül Uyghur xelqi uchur kütmekte؛ ularning namelum teqdiri üstide oylanmaqta.

Wehalenki, xitay saqchi idariliri yaki xewpsizlik organliri bolsun we yaki qanun - sot orunliri bolsun tutqunlar heqqide ularning a'ile tawabi'atlirigha hazirghiche héchqandaq uchur bermigen. Hetta a'ile tawabi'atlirining ular bilen yüz körüshüshtek eng eqelliy telipinimu ret qilghan.

Közetküchilerning ilgiri sürüshiche, xitayda munasiwetlik qanon - belgilimiler nuqtisidin éytqandimu alahide jinayet gumandarlirini tutup turushtiki waqit chéki eng uzun'gha sozulghandimu 3ay bolidu. Bu chektin ashqanda yene dawamliq tutup turush yaki 6 ayghiche tutup turush üchün aliy sot yaki memliketlik xelq qurultiyi qanun komitétining ruxsiti bolushi kérek.

Bir heptidin kéyin abduweli ayup qatarliq Uyghur serxilliri tutqun qilin'ghinigha 6 ay toshidu. Bu nuqtidin éytqanda, abduweli ayup, dilyar obul we muhemmetsidiq qatarliq wijdan mehbuslirining pat arida sotlinishi yaki a'ilisi bilen yüz körüshtürilishi mumkinmu?

Bu teripi téxi hazirghiche qarangghu.

2012 - Yilining bahar aylirida abduweli ayup qeshqerde "Nurxan ana til mektipi" ni qurup Uyghur diyarida ana til ma'aripini eslige keltürüshtiki xelq herikitining muqeddimisini achqan idi. 2013 - Yili yazda ürümchide "Ana til xelq'ara soda cheklik shirkiti" ning resmiy qurulushi bilen ana til inqilabi özining yuqiri dolqunini hasil qilidu. Epsuski, shu yili 20 - awghustta abduweli ayup, dilyar obul we muhemmetsidiqlarning tutqun qilinishi bilen bu bir meydan daghdughiliq xelq herikiti peskoygha yüzlinidu.

Bu jeryandiki weqelerning pütkül tepsilatidin xewerdar bir Uyghur yash yéqinda radi'omiz ziyaritini qobul qildi. U intérnét tori arqiliq eyni waqitta weten ichide bu téma heqqide boluwatqan munaziriler, talash - tartishlar hemde jama'et pikirlirige yéqindin diqqet qilip kelgen. Shuning bilen bir waqitta, u yene "Ana til xelq'ara soda cheklik shirkiti" ning pa'aliyetlirige da'ir barliq uchur we matériyallarni saqlap kelgen.

Nam - sheripini ashkarilashni xalimaydighan, hazir muhajirette yashawatqan bu Uyghur yash mezkur weqe heqqide sorighan so'allirimizgha tepsiliy jawab berdi.
"Ana til xelq'ara soda cheklik shirkiti" ning mudiriyet ezaliri qandaq tutqun qilin'ghan?
Tepsilatini awaz ulinishtin anglighaysiz.

Toluq bet