Awstraliyide "5 - April barin inqilabining 23 yilliqi" ni xatirilesh yéghini ichildi

Ixtiyariy muxbirimiz abide
2013-04-05
Share
awstraliye-barin-2013-305.png Yighin teshiwiqan waraqchisi
RFA/Abide

Sherqiy türkistan awstraliye jem'iyitining orunlashturushi bilen 4 - ayning 5 - küni awstraliyining adilayd shehiride 5 - april barin inqilabining 23 yilliqi" ni xatirilesh we shéhitler rohigha atap du'a qilish söhbet yighilishi ötküzüldi.

Söhbet yighilishi awwal imam abdusalam alimning shéhitlerge atap qilghan qur'an tilawiti bilen bashlandi. Yighinda sherqiy türkistan awstraliye jem'iyitining re'isi abdulghupur mömin ependi, sherqiy türkistan jem'iyitining pexri re'isi exmet igemberdi ependi we bashqa yighin'gha qatnashquchilar sözge chiqip barin inqilabining arqa körünüshi, ehmiyiti we tesiri heqqide söz qildi. Ular öz sözliride bügünki künde dunyaning her qaysi yerliride yashawatqan sherqiy türkistanliq qérindashlarningmu bu künni xatirilewatqanliqini, mushu künning ibretlirini we tesirlirini öz ewladlirimizgha yetküzüwatqanliqini, bizning bu künni néme üchün xatirileydighanliqimizni sözlep ötti.

Sherqiy türkistan awstiraliye jem'iyitining re'isi abdulghupur mömin ependi bu heqte sözlep mundaq dédi:

1990 - Yili 4 - ayning 5 - küni wetinimizning jenubigha jaylashqan aqtu nahiyisining barin yézisida yüz bergen milliy musteqilliq herikitimizning 23 yilliqni xatirilesh yighinigha xosh keldinglar. Shu barin weqesi bizning nurghun shéhitlirimiz, qehrimanlirimiz janliri we mallirini, özning yashliq hayatini béghishlap, Uyghur xelqining musteqilliq dewasini, Uyghur xelqining menggü tiz pükmeydighan bir qehriman millet ikenlikini, sherqiy türkistanning xitay kommunistlirigha, xitay millitige mensup emeslikini pütün dunyagha anglatqan tarixi bir weqe. Hemde bu weqe sherqiy türkistan xelqining milliy musteqilliq rohini oyghatqan tarixi bir weqe. Ular ashu inqilabqa kirishtin burun özlirining ölüp kétishlirini yaki xitay türmiliride yitishini biletti. Bilip turup shu seperge atlandi. Néme üchün? weten, milletning qayghusini, ene ashu zémnining musteqilliqini, özining erkinlikini, hörlükini, ghururini, depsende boluwatqan milliy kimlikini, depsende boluwatqan acha - singillirimizning ghururini qoghdash üchün özining janliri we malliri bilen shu küreshke atlandi dunyadin pak halda, xatirjem halda allaning huzurigha qehrimanlarche ketti. Bizchu? bizmu shu wetensizlikining derdidin, wetinimizni shu xitay tajawuzchiliri bésiwalghanliqi üchün biz mana mushu wetinimizdin onminglarche uzaq musape bolghan awstraliyide yashawatimiz.

Sherqiy türkistan awstiraliye jem'iyitining katipi nurmuhemmet türkistani barin inqilabi shundaqla bu inqilabning Uyghur dewalirigha körsetken tesirliri heqqide toxtilip ötti.

Yighin'gha qatnashquchilar öz tesiratlirini bayan qilip bu weqening Uyghur milliti üchün zor bir yoqitish bolsimu, emma küreshning ölmeydighanliqini, barin inqilabining sherqiy türkistanliqlarning qelbide musteqilliqqe bolghan ishenchni ashurghanliqini iytishti. Bu qétimqi söhbet yighini köpchilikning shéhitlerge we shundaqla wetende xitay zulumi astida qiyniliwatqan qérindashlirigha du'a qilish bilen axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet