Telghet abbas: xitay bixeterlik küchliri manga yiraqtin tehdit saldi, men tiyatirxanida jawab qayturdum
2016.02.22
Sidnéy tiyatirxanisida ayyultuzluq kökbayraqni chiqirip, “Shinjang féstiwali” ni meghlubiyetke uchratqan telghet abbas a'ilisi bilen.
Social Media
Melum bolushiche, awstraliyediki Uyghur pa'aliyetchi telghet abbasning ayali ötken yilning otturiliri ata-anisini yoqlash üchün yurtigha barghan, bu chaghda xitay dölet bixeterlik küchliri uni izdep kélip telghet abbasning awstraliyediki xitaygha qarshi pa'aliyetlerdin uzaq turushini tapilighan we bundaq qilmisa telghet abbasning ziyan tartip qalidighanliqini puratqan. Zulumgha bash égishning zalimni téximu jasaretlendürüwétidighanliqini éytqan telghet abbas bu qétim sédniy tiyatirxanisidiki chaghan kéchilikide ayyultuzluq kökbayraqni chiqirish arqiliq, yene bir nuqtidin, özi uchrighan ene ashu tehditke jawab qayturghanliqini ashkarilidi.
Yéqinqi mezgillerdin buyan xitay da'irilirining chet'ellerdiki Uyghur pa'aliyetchilirining a'ile-tawabi'atlirigha qaratqan tehditni hessilep kücheytkenliki melum. Emma bu kücheytishning chet'ellerdiki Uyghur pa'aliyetchilirini arqisigha yandurush, yolidin waz kechtürüsh emes, belki qarshiliqini téximu kücheytiwatqanliqi, ularning téximu tawliniwatqanliqi, hetta bezide jesur we keskin qedemlerni bésishigha türtke boluwatqanliqi bildürülmekte. Awstraliyediki Uyghur pa'aliyetchilerdin telghet abbasning ayalimu ötken yili yurtigha barghanda xitay dölet bixeterlik küchlirining tehditige uchrighan. Bu tehdit telghet abbasning shu küni bayraq chiqirish weqeside aktip rol élishida qozghatquch rol oynighan.
Amérikida yashawatqan Uyghur pa'aliyetchiliridin ilshat hesenning singlisi ötken yili tutqun qilinip tehditke duch kelgen idi, xewelerdin melum bolushiche, kanadadiki siyasiy pa'aliyetchi memet toxti ependining qaghiliqta yashawatqan 82 yashliq anisi turnisa sadiqmu bu tehdittin xaliy bolmighan, öyige qoralliq bésip kirgen saqchilar 82 yashliq momayni saqchixanigha élip bérip 12 sa'et qarda öre turghuzup jazalighan.
Köp körülgen xewerler
RFA
- Kanada parlaménti Uyghur musapirlar qarar layihesini mutleq köp awaz bilen maqullidi
- Kanada parlamént ezaliri trudu hökümitini Uyghur musapirlirigha orun hazirlashqa chaqirdi
- Amérikadiki inzhénér kewser wahitning singlisi kamile wahitning tutup turulup tekshürülüwatqanliqi delillendi
- Abdurahman toxti: “Méning a'ilem 7 yildin buyan irqiy qirghinchiliqning ziyankeshlikige uchrimaqta”
- Uyghur kishilik hoquq qurulushi muhajirettiki Uyghurlarning éhtiyajliri toghrisidiki yéngi doklatini élan qilghan