Awstraliyediki sherqiy türkistan jem'iyiti yashlar söhbet yighini chaqirdi

Ixtiyariy muxbirimiz haji qutluq qadiri
2017.03.16
Share on WhatsApp
Share on WhatsApp
awstraliye-uyghur-birliki-yashlar.jpg Awstraliyediki sherqiy türkistan jem'iyiti mezkur sheherdiki Uyghur yashliri üchün ötküzgen söhbet yighinidin körünüsh. 2017-Yili 12-mart.
RFA/Qutluq

12-Mart küni awstraliyening adilayt shehiride pa'aliyet élip bériwatqan sherqiy türkistan jem'iyiti mezkur sheherdiki Uyghur yashliri üchün mexsus söhbet yighini chaqirip yashlarning birlik we ittipaqliqini ilgiri sürüp, mezkur jem'iyetning kelgüsi xizmetlirini kéngeytish we kéler ayda adilaytta ötküzülidighan mezkur jem'iyet qurulghanliqining 25 yilliqini xatirilesh pa'aliyiti heqqide kéngeshken.

Awstraliyening adilayt shehiride pa'aliyet élip bériwatqan Uyghur kishilik hoquq teshkilatliridin sherqiy türkistan jem'iyitidin igilishimizche, mezkur jem'iyet 12 ‏- mart yekshenbe küni adilayt shehiride yashawatqan Uyghur yashliri üchün söhbet yighini chaqirip, ulardin , jem'iyetning kelgüsi siyasiy we medeniy pa'aliyetliri üchün aktip awaz qoshup, birlik we ittipaqliq asasida pa'aliyet élip bérip, awstraliyede Uyghur dawasining keng tonulushigha yéqindin yardemde bolushini telep qilghan.

Mezkur söhbet yighini axirlashqandin kéyin, téléfon ziyaritimizni qobul qilghan awstraliye sherqiy türkistan jem'iyitining re'isi nurmuhemmet türkistani yighin heqqide toxtaldi.

Adilayt shehiridiki sherqiy türkistan jem'iyiti yéqindin buyan, mezkur sheherde yashawatqan Uyghur jama'itige türlük söhbet yighinlirini uyushturup, ular bilen bir qisim mesililer toghrisida söhbetler élip barghan bolup, jem'iyetning bash katipi mustafa bu heqte toxtaldi.

Nurmuhemmet türkistanning éytishiche, bu qétimqi yashlar söhbet yighinida yene, awstraliye sherqiy türkistan jem'iyitining 4-ayda adilayt shehiride ötküzülidighan mezkur jem'iyet qurulghanliqining 25 yilliqini xatirilesh pa'aliyiti toghrisidimu söhbetler élip bérilghan.

Adilayttiki sherqiy türkistan jem'iyitining bash katipi mustafaning bildürüshiche, mezkur söhbet yighinda, yashlar 4-ayda ötküzülidighan sherqiy türkistan jem'iyiti qurulghanliqining 25 yilliqini xatirilesh pa'aliyitide özlirining her jehettin aktip xizmet qilidighanliqini bildürüshken.

Melum bolushiche, adilayttiki sherqiy türkistan jem'iyiti 1992-yili qurulghan ammiwi teshkilat bolup, mezkur teshkilat bu yil 4-ayning 29-küni jem'iyet qurulghanliqining 25 yilliqini xatirilesh pa'aliyiti élip bérishni pilanlighan.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.