Uyghur ayallarning ayrodromlardiki bixeterlik tekshürüshliride éghir xorluqqa uchrawatqanliqi inkas qilindi

Muxbirimiz gülchéhre
2016.12.21
saqchi-uyghur-qiz-tekshurush-305 Uyghur élidiki tekshürüsh ponkitlirining biride, xitay saqchi bir Uyghur qizning salahiyitini tekshürüp soraq qilmaqta. (Orni we waqti éniq emes)
AFP Photo

Xitay hökümitining Uyghur élidiki diniy cheklesh, basturush heriketliride, Uyghur ayallirining yenimu zor depsendichiliklerge uchrawatqanliqi heqqidiki inkaslar köpeymekte.

Hetta buni saqchilarningmu delilligenliki radiyomizda anglitilghandin kéyin. Özining xorluqqa uchrash ehwalini melum qilish qararigha kelgen bir xanim, nam sheripini ashkarilimasliq sherti astida biz bilen söhbetleshti. Türkiyege yerleshkinige 6 ay bolghan bu xanimning bayan qilishiche, bolupmu ayrodromlardiki bixeterlik tekshürüsh orunlirida, er yaki ayal bolushidin qet'iynezer, Uyghur bolsila her qandaq tekshürüsh orunlirida dawamliq nuqtiliq tekshürüsh obyékti bolup kelmekte.

Milliy we diniy yosunda yépiq kiyin'gen, hijablan'ghan Uyghur qiz, ayalliri saqchixanilardila emes, ayrodromdek ochuqchiliqta, kishilerning neziri astidimu oxshashla, er saqchilar teripidin yaghliqliri élip tashlinip, kiyimliri saldurulup mejburiy axturushqa uchrap, kishilik ghururi, ayalliq izzet hörmiti depsende qilinmaqta.

Bu xanimning, ürümchi ayrodromida qelbini yarilighan ene ashundaq xorluq sergüzeshtisini yuqiridiki awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.