"Balilar qoghdighuchi" - balilarning köplep yütüp kétishidin kelgen ijadiyet ilhami

Muxbirimiz gülchéhre
2014-04-24
Share
Uyghur-balilar-305.jpg 2006 – Yili 13 – öktebir küni birqanche uyghur baliliri xotende. Xitay dairilirining bildürüshiche, pilanliq tughut yolgha qoyulghandin buyan uygur élide 3 milyondin artuq bowaq az tughulghan.
AFP Photo


Melum bolghandek Uyghur balilarning yoqap kétish, adem bédikliri teripidin aldinip xitay ölkiliride sétilish we her xil jinayi guruhlarning türlük ziyankeshliklirige uchrishidek paji'eler, Uyghur jem'iyitide 20 yillar ilgiri bash kötürüp dawam qiliwatqan bir zor ijtima'iy apet.

Bolupmu Uyghur élining hazirqidek köchmen nopusi köp, sayahetchiler köp, murekkep bolushtek ijtima'iy weziyitide, ata, anilar balilirini qoghdashta barghanche riqabetke uchrimaqta we balilarning amanliqi üchün alahide közitish tedbirlirini élishqa éhtiyaj tuymaqta. Uyghur ata, anilardiki bu xil xatirjemsizlik teqezzasi, Uyghurche adem izdesh tor béti bolghan yutkanlar.com Qurghuchisi nur'eli emetning balilarning yütüp kétishining aldini alidighan bir eswab üstide oylinishigha türtke bolghan, bu yash studént kompyotér heweskarning tirishchanliqi hemde xitaydiki melum éliktronluq pen téxnika shirkitining hemkarlishishi netijiside "Balilar qoghdighuchi"din ibaret orun belgilesh eswabi axiri royapqa chiqqan.

Muxbirimiz gülchéhre ata, anilar teqezza bolghan bu balilar qoghdighuchi eswab heqqide nur'elini ziyaret qildi, "Balilar qoghdighuchisi" qandaq iqtidargha ige? qéni birlikte tonushup chiqayli :

- Nur eli, qandaq ilham bilen balilar qoghdighuchini meydan'gha keltürdingiz ?

- Men kichik chaghlirimdila balilarning yütüp kétidighanliqi, ichkirilerge aldap apirilidighanliqidek weqelerni anglayttim. Hazirmu anglap turimiz, hetta men bu yütkenler tor békitini qurghandin buyan her küni yütken balilar heqqide 3, 4 uchur kélidu, eng muhimi balilarning yütüp kétishining aldini élish iken. Bashta men balilarning yütüp kétishining aldini élishta birer tedbir yaki melum eswab üstide oyliniwatqinimda, aptomobillarning ornini belgilesh eswabigha közüm chüshti, yeni shexsi aptomobillarni iz qoghlap tapqili bolidiken, buni balilarni tépishqa qandaq tedbiqlighili bolar? dégen oy bilen ichkiridiki aptomobil iz qoghlash eswabi ishleydighan bir shirketke téléfon qilip oyumni éyttim, ular "Yasighili bolidu" dégen jawabni berdi we we layihe bolsila sinap béqishqa maqul boldi, shuning bilen men uni balilar taqashqa eplik, ularning térisige ziyan yetküzmeydighan kichikrek qilip layihelidim we bu layihe nusxa boyiche, ichkiridiki shirket deslep bu balilar qoghdighuchini yasap chiqti. Hazir torda sinaq teriqiside élan bergentim, bek téz qiziqish qozghidi, ata, anilarda heqiqeten shundaq bir nersige éhtiyaj küchlük iken. Bahasini 380 som qilip békitildi.

- Nur'eli, balilar qoghdighuchidin ibaret bu orun belgilesh eswabining qurulmisi we ishlitilish da'irisi, ünümi heqqide tepsiliy chüshendürüsh bersingiz?

- Bolidu, bu qoghdighuchi eswab sa'et shekillik bolup yeni balilarning qoligha taqap qoyghanda balilarni nazaret qilip turidu, yanfun arqiliq balining nedilikini körgili, hetta xalighanlar balining etrapidiki awazlarni angliyalaydighan hem ün'ge alalaydighan, hem téléfon qilip bala bilen paranglishalaydighan, shundaqla balilarni 24 sa'et nazaret qilip turalaydighan iqtidargha ige eswab.

Emdi iqtidarigha kelsek, eger siz peqet öyingiz we balingizning mektipini belgilepla bersingiz, balingiz öydin mektepke baridighan yoldin chiqip ketse yaki bashqa yerge ketse séstima sizge aptomatik signal béridu hem xeritidin balingizning hazirqi ornini tépip sizge ornini körsitip béridu, bundaq bolghanda balingizdin xatirjem bolalaysiz, peqet sizde andiruyid yaki alma yanfuni bolsila xatirjem sétiwalsingiz bolidu. Bumehsulat, balilargha ishlitidighan bolghanliqi üchün eplik layihelen'gen,yeni sa'et shekillik, balilargha ziyansiz,radi'atsiye intayin ajiz, sugha hem silkinishke chidamliq qilip layihelen'gen, bu mehsulat hazirdin bashlap zakas qobul qilidu, éhtiyaj küchlük, emma men téxi oqughuchi bolghachqa téximu küp ishlesh üchün meblegh jehette ajizliq qiliwatimen, hemkarlashquchilar bolghan bolsa téximu köp ishlep, téximu köp ata, anilarni xatirjem qilalighan bolsaq bekmu yaxshi bolatti. Méning umidim peqet balilar bextlik a'ilidin ayrilmisa, a'ilisige patraq qaytsa, anilarning közi yashlanmisa.

Elwette "Balilar qoghidighuchi" ning meydan'gha kélishi balilarning yütüp kétish éhtimalliqini töwenlitishte we ata, anilarning balilarni patraq tépiwélishi, ularning xatirjemliki üchün melum derijide rol oynishi mumkin, emma balilarni qoghdashta eng zörür bolghini yenila ata, anilarning méhir - muhebbiti we balilarni dawamliq közitip turush, küchlük mes'uliyet tuyghusi bilen her qandaq xatirjemsizlik éhtimalliqining aldini élishqa tirishishtur. A'ililerning xatirjemliki, jem'iyetning xatirjemliki, dunyaning, milletning kelgüsi bolghan balilarni qoghdash elwette her bir insanning mes'uliyitidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet