Назарәт астида тиҗарәт қиливатқан баққалниң шикайити: мениң мәһбустин пәрқим немә?

Үрүмчидә ечиливатқан икки йиғин мәзгилидә йәнә муқимлиққа тәһдит дәп қаралған бир түркүм уйғурлар, бәзлири өйидә, бәзилири иш яки тиҗарәт орнида нәзәрбәнд астиға елинған. Баққал һелаҗи әнә шулардин бири.
Мухбиримиз шөһрәт һошур
2013-01-31
Елхәт
Пикир
Share
Принт

5-Июл вәқәсидә оғли(оттурида) ғайиб болған, сақчиларниң назарити астида тиҗарәт қиливатқан баққал һелаҗи (солдин биринчиси). 2012-Йили, үрүмчи.
5-Июл вәқәсидә оғли(оттурида) ғайиб болған, сақчиларниң назарити астида тиҗарәт қиливатқан баққал һелаҗи (солдин биринчиси). 2012-Йили, үрүмчи.
RFA

Һелаҗи 5 күндин бери, дөңкөврүктики мевә-чевә базирида бир гуруппа сақчиниң назарити астида херидар чақирмақта. Баққалниң херидар чақириватқандики иллиқ чирайи билән униң икки биқинидики сақчиларниң сөрүн тәләти ғәлитә бир мәнзирә пәйда қилип, йолдин өткән-кәчкәнләрниң бәзилирини үркүтсә, бәзилирини һәйран қалдурмақта. Нәтиҗидә баққалниң содиси һәркүни аз дегәндә 500 йүән кемәймәктә. Йәнә бир тәрәптин баққал өз-өзигә «мән җаза лагиридики бир мәһбусму яки әркин базардики бир тиҗарәтчиму?» дегән соални қоюп, бу соалға җаваб издимәктә.

Һелаҗи әслидә қәшқәр тоққузақтин болуп, 10 йилдин бери үрүмчидә тиҗарәт қилмақта. 2009-Йилдики 5-июл вәқәсидин кейин, униң 19 яшлиқ оғли алимҗан, хитай сақчилири тәрипидин тутуп кетилип из-дерәксиз ғайиб болған. Һелаҗи шуниңдин буян оғлиниң из-дерикини елиш үчүн қолидин келишичә һәрикәт қилмақта; у бу һәрикити сәвәблик хитай сақчилири тәрипидин үрүмчидики муқимлиққа тәһдит кишиләр тизимликигә елинип һәр қетимлиқ йәрмәнкә вә йиғин мәзгилидә, шундақла чәтәл дөләт рәһбәрлириниң зиярәтлири мәзгилидә нәзәрбәнд қилинмақта.

Аваз улинишидин, баққал һелаҗиниң бу һәқтики тәсиратлирини өз еғизидин аңлайсиләр.

Пикирләр (0)
Share
Толуқ бәт