Gollandiyede barin inqilabini xatirilendi

30‏-Mart shenbe küni gollandiyide yashawatqan wetendashlar “Yawropa sherqiy türkistan ma'arip jem'iyiti” de jem bolup, barin inqilabini xatirilidi we jasusluq gumandarliri shundaqla jasusluqning qur'andiki hökümi qatarliqlar üstide toxtaldi.

Yillardin biri dawam qilip kéliwatqan “Ayliq söhbet pa'aliyiti” yawropa sherqiy türkistan ma'arip jem'iyitining asasliq pa'aliyetliridin biri bolup, ayda bir qétim izchil dawam qilip kelmekte.

Bu jem'iyet 30‏-aprél shenbe 1990- yili 5‏-apirildiki “Barin inqilabi” ning 23‏-yilliqini xatirileshtek ehmiyetlik pa'aliyetlerni bu ayliq söhbetke jemlidi.

Pa'aliyetke jem'iyet mes'uli obulqasim ependi riyasetchilik qildi. Jem'iyetning ma'arip we din ishliri yétekchisi abduraxman qarihajim jasusluqning islamdiki hökümi we milletke keltüridighan ziyanliri heqqide tepsiliy toxtilip, gollandiyediki Uyghurlarning satqunlargha bolghan ghezep-nepret meydanini janliq ipadilidi.

U mundaq dédi: bu jem'iyet buningdin bir hepte ilgiri öz tor bétide bir bayanat élan qilghan bolup, tor dunyasida qizghin alqishlan'ghan we Uyghurlarning yaxshi bahasigha érishken idi. Bu qétim ayliq söhbette jem bolghan wetendashlar bilen birlikte, yene bir qétim inkas qayturdi.

Namaz we ta'am programmiliridin kéyin dawam qilghan pa'aliyettiki axirqi téma “Barin inqilabi” gha atalghan bolup, öz waqtidiki shu inqilabchilarning musteqilliq iradiside ipadilen'gen étiqadi meydan muzakire qilindi.

Barin inqilabining 23‏-yilliqi munasiwiti bilen dunyaning herqaysi jaylirida oxshimighan pa'aliyetler ötküzülüsh pilanlan'ghanliqi we öz-ara seperwerlik chaqiriqi xilidin biri teshwiqat wasitiliride yer élip kelmekte. Uyghurlar bu inqilabni xatirileshke alahide ehmiyet bérip kelmekte.