Bay nahiyisi yaqa'ériqta qanliq toqunush yüz bérip 17 kishi ölgen

Muxbirimiz shöhret hoshur
2015.02.20
bay-nahiyisi-tutush-buyruqi-2.jpg Bay weqeside tutush buyruqi chiqirilghan besh kishi
RFA/Ihsan


Ikki kün awwal, yeni 17 - féwral küni aqsu bay nahiyisining yaqa'ériq bazirida qanliq toqunush yüz bérip 17 kishi ölgen. Toqunush saqchilarning öy tekshürüshi dawamida kélip chiqqan. Turghun bilal bashchiliqidiki pida'iylar guruhi bir öyge toplinip olturghinida saqchixana bashliqi qasim imin 7 - 8 yardemchi saqchini bashlap öy tekshürüshke kirgen.

Pida'iylar orunliridin chachrap turup awwal qasim imirning qolidiki qoralni tartiwalghan, arqidin pichaq we paltilarni qollirigha élip saqchilarni chanap we chépip öyidin qoghlighan. Pida'iylar saqchilarni arqisidin qoghlap saqchixanigha yéqinlashqanda, saqchixana ichidiki resmiy saqchilar teripidin étiwétilgen. Qasim imir bilen qoshulup jem'iy 4 saqchi ölgen. Saqchilar weqeni bir terep qilish jeryanida weqe bilen munasiwiti bolmighan doxturxana bashliqi jüme heqquli we uning 16 yashliq qizini, shundaqla 4 - kentlik 2 déhqanni gumandarlar qatarida sanap étiwetken.

Weqede ölgen bir resmiy, 3 yardemchi saqchining isimliri : qasim imir (saqchixana bashliqi), eli jan, abdul qadir, semet exmet؛ weqede ölgen 9 gumandardin 3 nepirining ismliri: turghun bilal, ömer memet, tuniyaz hesen. Tutush buyruqi chiqirilghini: azadem nur, abliz abla qatarliq besh kishi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.