Ayköl déhqanliri: her düshenbe küni bayraq chiqirimiz, néme üchünlikini bilmeymiz
2015.10.30
Awat nahiyisidiki meschitke xitay dölitining bayriqini ésish körünüshi. 2011-Yili 9-awghust.
Közetküchilerning qarishiche, xitayning Uyghur rayonidiki muqimliq chare - tedbirliri barghanséri esebiy, hejiwiy we hamaqetche shekillerde dawamlashmaqta. Bu qarashni delilleydighan pakitlardin biri bügün muxbirimizning aqsu aykölge qarita élip barghan téléfon ziyaretliri dawamida ashkarilandi. Melum bolushiche ayköl baziridiki déhqanlar her düshenbe etigende kent ishxanilirigha mejbur toplinip bayraq chiqirish murasimigha qatnashturulghan. Her qétimliq murasimgha 400 - 500 déhqan toplinip, arisidin bir guruppa kishiler bayraqni chiqarsa, qalghanliri sep bolup tizilip bayraq chiqirishni süküt ichide közetken.
Bu ishning ejeplinerlik yéri, murasimgha qatnashqan déhqanlarning mutleq köpchiliki bu bayraq chiqirishning menisi, meqsiti we ehmiyiti heqqide héchnimini chüshenmigen.
Bu ehwalni aqsu ayköldiki bayraq chiqirishqa qatnishiwatqan ikki déhqanning öz éghizidin anglaysiler.
Köp körülgen xewerler
RFA
- Rézhissor ikram nurmemet térrorluq bilen eyiblinip 6 yérim yilliq késiwétilgen
- Ukra'inada “Uyghurlarning mustemlike qilinishi we ukra'inlarning teqdiri” dégen témida söhbet élip bérilghan
- “Xitay gulagidin hayat qélish” namliq kitab “Aldinqi front edebiyati mukapati” gha érishti
- Yawropa parlaménti qararname maqullap xitay hökümitidin jaza lagérlirini taqashni telep qildi
- Mehmud qeshqeri we hüseyin tejelli heykilining chéqiwétilgenliki delillendi