B d t da Uyghurlar mesilisi yene muzakire témisi boldi

Ixtiyariy muxbirimiz ekrem
2016.02.24
Share on WhatsApp
Share on WhatsApp
bdt-yighin-dolqun-eysa.jpg Dolqun eysa ependi kanada sabiq edliye ministiri irwin chotler bilen. 2016-Yili 23-féwral, jenwe.
RFA/Ekrem

Jenwede ötküzülgen kishilik hoquq yighinida Uyghurlar yoluquwatqan kishilik hoquq depsendichiliklirimu otturigha qoyulghan.

Uyghur kishilik hoquq mesilisini Uyghur wekillerdin bashqa yighinda sözge chiqqan sabiq diplomatlarmu tilgha alghan. Uyghur wekiller yighindin kéyin bir qisim erbablar bilen körüshüp, Uyghurlarning nöwettiki weziyiti heqqide söhbet ötküzgen.

“Kishilik hoquq we démokratiye üchün jenwe aliy uchrishishi” namliq xelq'araliq yighin 23-féwral jenwede bashlan'ghan bolup, yighin'gha Uyghurlargha wakaliten d u q ijra'iye komitéti re'isi dolqun eysa we sabiq diplomat kérem shirip qatnashqan.

Dolqun eysaning 23-féwral jenwedin bergen melumatigha asaslan'ghanda, bu yighin'gha dunyaning herqaysi jayliridin kelgen dölet, hökümet emeldarliri, kishilik hoquq we démokratiye pa'aliyetchiliri, siyasetchiler bolup 500 din artuq kishi qatnashqan.

Yighinning seyshenbe küni chüshtin kéyin échilghan xitay weziyiti heqqidiki muzakiriside, xitaydiki démokratiye we kishilik hoquq weziyiti mesilisi, xitay hökümitining Uyghur, tibet qatarliq milletlerge qaratqan siyasiti we bu rayonlardiki weziyet qatarliqlar otturigha qoyulghan.

Dolqun eysa ependi ziyaritimiz jeryanida aldi bilen “Kishilik hoquq we démokratiye üchün jenwe aliy uchrishishi” namliq bu munber heqqide melumat bérip ötti. U sözide yene, bu yighinda otturigha qoyulghan témilar we muzakiriler heqqidimu toxtaldi.

Melum bolushiche, xitay mesilisimu yighinda nuqtiliq otturigha qoyulghan bolup, bu basquchta xitay, Uyghur éli we tibet mesilisi muzakire qilin'ghan. Uyghur wekilliri Uyghur ilining nöwettiki ehwalini anglatqan.

Shiwétsariyede yashawatqan sabiq diplomat kerem shirip ependimning qarishiche, bu yilliq yighinning ilgiriki yighinlargha oxshimaydighan bir yéri bolsa, buningda Uyghur mesilisining tibet mesilige qarighanda köp we janliq rewishte tilgha élinish iken.

Melum bolushiche, mezkur yighinda herqaysi döletlerdin kelgen kishilik hoquq pa'aliyetchiliri Uyghurlar heqqide söz qilghandin bashqa, shimaliy irélandiyening sabiq bash ministiri dawid trampl, kanadaning sabiq edliye ministiri irwin kotlér ependim qatarliqlar xitayda Uyghurlargha qaritilghan kishilik hoquq depsendichiliklirini otturigha qoyghan.

Biz mezkur yighinda Uyghurlar heqqide toxtalghan zatlarni ziyaret qilishqa tirishqan bolsaqmu ular bilen sözlishishke muweppeq bolalmiduq.

Dolqun eysaning bildürüshiche, yighindin kéyin Uyghur wekiller yuqirida ismi tilgha élin'ghan sabiq hökümet emeldarliri bilen körüshken we Uyghurlarning nöwettiki weziyiti heqqide söhbetleshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.