Béyjinggha erz qilip barghan 4 qérindash 1 yildin 3 yilghiche qamaqta yatqan

Xoten qaraqashliq erzdar ghojimemet japparning kiyimige yéziwalghan erznamisi. 2015-Yili yanwar(orni éniq emes)

Qaraqash nahiyisining manglay yézisidin bolghan ghojimemet jappar, tartiwélin'ghan öy-zémin dawasi üchün üch inisi we bir singlisi bilen birlikte, besh qérindash 2007-yili béyjinggha erz qilip kelgen.

Ular erziyet ishxanisigha bérip manglayda bir jan'gha ikki pungdin yer toghra kélidighanliqini, öy-zémini tartiwélin'ghandin kéyin 5 qérindashning öy‏-makansiz qalghanliqini éytqan bolsimu, xadimlar bu shikayetke perwa qilmighan؛ netijide ular yene bir guruppa erzdar bilen birlikte béyjingdiki chet'el konsulxaniliri aldida xitaygha naraziliq bildürgen.

Besh qérindash yurtigha qaytip barghandin kéyin yuqiriqi qilghanliri üchün tutqun qilinip, 4 nepiri 1 yildin 3 yilgha qeder qamaqqa höküm qilin'ghan. Sabiq mehbus ghojimemet jappar jaza mudditini tügitip 4 yildin kéyin weqeni radi'omizgha ashkarilidi. Alaqidar kent sékritarimu mezkur a'ilidin 4 qérindashning 1 yildin 3 yilgha qeder qamaqta yétip chiqqanliqini delillidi.

Yuqiridiki ulinishtin muxbirimizning bu heqte teyyarlighan programmisini anglaysiler.