Osloda “Bir awaz, bir qedem” namayishi ötküzüldi

“Bir awaz, bir qedem” sho'arigha jor bolghan norwégiyediki Uyghur ayalliri, balilar we hersahe Uyghur jama'itining namayishidin körünüsh. 2018-Yili 15-mart, norwégiye.

Uyghurlar 15-mart norwégiyening oslo shehiride “Bir awaz, bir qedem” sho'ari astida namayish élip bardi.

“Bir awaz, bir qedem” sho'arigha jor bolghan norwégiyediki Uyghur ayalliri, balilar we hersahe Uyghur jama'iti 15-mart küni oslo shehirige jem bolup, namayish élip barghan.

Norwégiyening oslo shehiridiki Uyghur ziyaliyliridin xelchem memtimin qatarliq Uyghur ayallirining teshkillishi, norwégiye Uyghur komitétining qollishi we d u q rehberliri hemde norwégiyediki Uyghurlarning ishtirakida ötküzülgen bu namayish 2 sa'et dawam qilghan.

Namayishchilar ay yultuzluq kökbayraqning süriti bésilghan sharpa, yaghliq we türlük belgilerni üstige artip, ay yultuzluq kökbayraq hemde herxil sho'arlar yézilghan lozunkilarni kötürüshüp namayish qilghan. “Bir awaz, bir qedem” sho'ari astidiki bu namayish bügün dunyaning herqaysi jayliridiki Uyghurlar topliship olturaqlashqan köpligen döletlerde élip bérilghan.

Norwégiye Uyghur komitéti mes'ulliridin xelchem memtimin xanim ziyaritimizni qobul qilghanda, bu qétimqi namayish üchün norwégiyediki Uyghur ayallirining birqanche aydin buyan hazirliq qilghanliqini, bügünki namayishning özliri perez qilghandikidin netijilik bolghanliqini tilgha aldi.

Norwégiye Uyghur komitétining re'isi bextiyar ömer ependimu bu heqte toxtilip, öz teshkilatlirining norwégiyediki Uyghur jama'itini bu qétimliq namayishqa seperwerlik qilish ishlirida qolidin kélishiche yardemde bolghanliqini tekitlidi.

D u q ijra'iye komitétining mu'awin re'isi semet abla ependimu ziyaritimizni qobul qilip, “Bir awaz, bir qedem” namayishining netijilik ötküzülgenlikini mu'eyyenleshtürdi.

16-Mart küni oslo shehiridiki “Nobél erkinlik sariyi” da amérika démokratiyeni ilgiri sürüsh fondining maddiy yardimi bilen d u q, norwégiye Uyghur komitéti, rafto kishilik hoquq fondi birlikte “Sherqiy türkistanning nöwettiki weziyitidin melumat bérish yighini” ötküzidighan bolup, bu yighin'gha qatnishish üchün yolgha chiqqan amérika, gérmaniye, kanada qatarliq döletlerdiki dolqun eysa bashliq d u q rehberliri 15-mart oslo shehirige jem bolghan.

D u q we norwégiye Uyghur komitéti rehberlirining bildürüshiche, 17-18-mart künliri oslo shehiride yene “Uyghur yashlirini démokratiye, kishilik hoquq, qanuniy bilimler bilen terbiyelesh kursi” ötküzülidiken hemde 18-mart kechte noruz pa'aliyiti bolup ötidiken.