Bügürdiki zenjirsiman partlashning chong kölemlik bir isyan ikenliki, isyanning qanliq basturulghanliqi aydinglashti

Muxbirimiz shöhret hoshur
2014-09-25
Share
husenjan-osman-saqchi-bugur-partlash-olgen.jpg Bügürdiki zenjirsiman partlash weqeside ölgen xitay saqchisi hüsendin osman. (Waqti we orni éniq emes)
Oqurmen teminligen

Xitay axbarati, bügürdiki zenjirsiman partlash weqesi heqqide bügün ikkinchi qétim xewer élan qildi. Weqe heqqidiki tunji xewiride peqet ikki kishining ölgenlikini xewer qilghan xitay metbu'ati, bügünkiside weqede jem'iy 52 kishining ölgenlikini ashkarilidi.

Xitay xewiride bayan qilinishiche, weqede xitay tereptin ölgenler 10, qarshi tereptin ölgenler 42 neper. Xitaygha qarshi tereptin ölgenler sanining köplüki we muxbirimiz bügürdin biwasite igiligen melumatlardin, bügürde 21 ‏-séntebir yüz bergen zenjirsiman partlashning xitay hakimiyitige qarshi chong bir isyan ikenliki, xitayning bu isyanni qanliq shekilde basturghanliqi aydinglashti.

Melum bolushiche, 50 din artuq pida'iy bügürning üch yéza-baziridiki az dégende 7 orunda xitay küchliri we menpe'etlirige hujum élip barghan. Eger xitay élan qilghan sanliq melumatlar toghra bolsa, pida'iylar bu qétimqi isyanida éghir bedel töligen, emma bügürdiki xitay köchmenlirige, jümlidin, xitay da'iriliri we saqchilargha qattiq wehime salghan.

Awaz ulinishidin muxbirimizning bu heqte teyyarlighan programmisini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet