Ahaliler bügür isyani basturulush dawamida öyliridin qéchip chiqip kéwezlikte daldilan'ghan

Muxbirimiz shöhret hoshur
2014-10-23
Share
bugur-weqesi-partlash.jpg Bügür nahiyiside yüz bergen partlashtin körünüsh. 2014-Yili 22-séntebir.
Social Media

Yéqinda xongkongdiki bir kishilik hoquq uchur merkizi, bügür isyani basturulush dawamida, xitay qoralliq küchlirining isyan'gha munasiwetsiz kishilernimu oqqa tutqanliqini xewer qildi. Xewerde, buninggha pakit süpitide, xitay saqchilirining yéngisar bazirida bir gumandarni yoshurundi dep qaralghan bir öyni qara-qoyuq oqqa tutup, shu a'ilidiki 14-15 yashliq balilarningmu ölümige seweb bolghanliqi tilgha élindi. Emma xewerde konkrét qaysi a'ile we kishilerning ziyankeshlikke uchrighanliqi tilgha élinmidi. Muxbirimizning bu heqtiki éniqlashliri dawamida, gerche mezkur weqening neq özi ashkarilanmighan bolsimu, emma isyan basturuluwatqan mezgilde, ahalilerning öz öyliride özlirini bixeter hés qilalmay, bala-chaqiliri bilen birlikte öyliridin qéchip chiqqanliqi we öylirining arqisidiki kéwezlikte daldilan'ghanliqi ashkarilandi.

Mezkur xewerde xitay qoralliq küchlirining isyanni basturush dawamida, ahaliler olturaq rayonida qara-qoyuq oq chiqarghanliqi we bu sewebtin isyan bilen alaqisi bolmighan anilar we balilarningmu ziyankeshlikke uchrighanliqi tilgha élin'ghan. Biz bu weqening rastliqi we tepsilatini éniqlash üchün weqe yüz bergen yéngisar we térekbazar yézilirigha téléfon qilduq.

Muxbir: siz, térekbazar 7‏-kent 1‏-mehellining bashliqi, shundaqmu?
Xadim: shundaq.

Muxbir: siz bizge neq toqunush yüz bergen etraptiki ahalilerdin birining téléfonini dep béring....
Xadim: bu kishining öyi shu etrapta. 13899....

Muxbir: öyingiz weqe yüz bergen yol üstide iken, shu küni siz némilerni kördingiz?
Ahale: bizning öyimiz chong yolning boyida, étishish öyimizdin 500 métir nérida dawamlashti, oq awazlirini anglighandin kéyin öylirimizdin qachtuq, bala-chaqilarni élip öyimizning arqisidiki kéwezlikke yoshurunduq؛ bizla emes, etraptiki qoshnilirimizning hemmisila shundaq qilishti. Biz kéwezlikte, étishish bésiqqiche, yeni bir sa'etche daldilanduq.

Bu ahale söhbitimiz dawamida isyanchilarning qolida özliri yasighan qoral bar dep anglighanliqini éytti.

Yuqiriqi ahalining bayanlirida gerche saqchilarning ahalilerni qara-qoyuq oqqa tutqanliqi tilgha élinmighan bolsimu, emma ularning öyliridin qéchishqa mejbur bolghanliqining özi eyni kündiki weziyetni yeni xitay saqchilirining isyanchilarnila emes, ular yéqinlashqan yaki yoshuruldi dep qaralghan öylernimu oqqa tutqanliqini, netijide ahalilerning özlirini öz öyliride bixeter hés qilalmighanliqini ashkarilimaqta.

Awaz ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet