Sabiq karxanichi buxelchem rusul 6 yil jeng qilip, deslepki ghelibige érishti

Muxbirimiz shöhret hoshur
2013-04-05
Élxet
Pikir
Share
Print
Aqsudiki bir kespiy téxnika mektipining qurghuchisi we sabiq karxanichi buxelchem rusul. 2012-Yili yanwar, béyjing.
Aqsudiki bir kespiy téxnika mektipining qurghuchisi we sabiq karxanichi buxelchem rusul. 2012-Yili yanwar, béyjing.
RFA/Shohret Hoshur

Erz qilish dégen bu söz esli lughet menisidin qarighanda, qeghez-qelem we söz bilenla dawam qilidighan, hökümet ishxanisi yaki sot meydanida xulasilinidighan heq telep qilish arzusidiki bir qanuniy heriketni körsitidu. Emma bügün Uyghur jem'iyitidiki ré'alliqqa qaralghanda, erz qilish dégen bu söz, emeldarlar bilen qarshilishish, saqchilar bilen élishish, poyizdin sekrep qéchish, méhmanxanidin tutup kétilish we qamaqxanigha solap qoyulush qatarliq bir qatar xeterlik we musheqqetlik jeryanlar bilen dawam qilidighan bir qepes jengni ésimizge salidu.

Mana bu jengning netijiside bügün Uyghur rayonining herqaysi jaylirida qamaq we türmilerde yétiwatqanlar bolghinidek, bir yürüsh issiq öyge, yéngi aptomobilgha we yüz ming somlap neq pulgha érishkenlermu bar. Radi'omiz teripidin ötken bir yilda 6 qétim ziyaret qilin'ghan we xelq'ara metbu'atlardimu ish-izi tilgha élin'ghan, aqsu shehiridiki sabiq karxanichi buxelchem rusul ene shu jengde deslepki netijige érishkenlerdin biri. Uning bu nöwet érishkini 200 ming som neq pul we bir yürüsh öy.

Buxelchem rusul, 1996-yili aqsuda kespiy téxnika mektipi achqan؛ uning ishliri güllinip, oqughuchisi 200 din ashqanda, yeni 2000-yili hökümet mezkur mektepning ornida sayahet orni berpa qilinidighanliqini uqturup mektepni chéqiwetken. Emma mektepni chaqqanliqi üchün, buxelchemge héchqandaq tölem bermigen. Buxelchem 2006-yiligha qeder 6 yil hökümetning mesilini özlükidin hel qilip bérishini kütken؛ emma hökümet tereptin héchqandaq sada chiqmighandin kéyin, 2006-yili erz qilishqa bashlighan.

Buxelchem, bu alte yil jeryanida nahiye, wilayet, aptonom rayon we béyjingdiki alaqidar orunlargha köp qétim seper qilghan. Bu jeryanda 2 qétim béyjingdin tutup kétilgen, bir qétim nérwa késellikler sanatoriyisige qamap qoyulghan؛ 3 qétim saqchixanigha qamap qoyulghan. Buxelchem axirqi chare süpitide radi'omiz ziyaritini 6 qétim qobul qilip, béshigha kelgenlerni dunyagha ashkarilighan.

Aqsudiki da'iriler bultur 8-ayda uning bilen jiddiy halda sözliship, mesilisini qismen hel qilghan. Yeni mektepning chéqilghan tamliri üchün tölemni kéyin'ge qaldurghan. Mektepning sinip, yataq we ishxaniliri üchün 200 ming yüen neq pul we bir yürüsh olturaq öy bergen.

Melum bolushiche, erz qilishtin ibaret bu musheqqetlik jengde yéngip chiqqanlardin béri aqsu onsuluq abduréhim mollek aka؛ u ötken yili tartiwélin'ghan térilghu yerliri üchün 60 mo yer bilen birlikte 400 ming yüen neq pulgha érishken. Shixenze kona bazarliq ghazi hamut bolsa, xitaylar öltürüwetken oghli üchün 70 ming yüen xun heqqi alghan. Bu jengde ziyankeshlikke uchrighuchilardin keshpiyatchi ömerjan imin bolup, toluqsiz melumatlardin qarighanda, u 2 yilliq késilgen. Aqsu üchturpanliq nurun'gul toxti hélihem qamaqta. Qeshqer peyzawatliq aygül toxtining aqiwiti hazirghiche melum emes.

Toluq bet