Uyghurlar gollandiyediki misir qetli'ami namayishida ay-yultuzluq kök bayriqini lepildetti

Ixtiyariy muxbirimiz pida'iy
2013-08-20
Share
gollandiye-misir-qetliami-namayish.jpg Uyghurlar gollandiyediki misir qetli'ami namayishida ay-yultuzluq kök bayriqini lepildetti. 2013-Yili 18-awghust, gollandiye.
RFA/Pidaiy

18‏-Awghust gollandiyening denhax shehirige jaylashqan dunya sot mehkimisining yan teripide élip bérilghan, misir qetli'amigha qarshi naraziliq namayishigha Uyghurlarmu qatnashti. Ay yultuzluq kök bayraq namayishchilar arisida lepildidi.

Namayishchilar dunya ehlini adaletke, ittipaqliqqa, insanliqqa chaqirdi. Dunyaning barliq bulung-puchqaqlirida zulum chékiwatqan musulmanlarning insaniy heq-hoquqlirini qoghdash mezmun qilin'ghan bayanatlar oqudi we sho'arlar towlidi.

Ziyaritimizni qobul qilghan denhax shehiridiki bir meschitning imami Uyghurlarning ay yultuzluq kök bayraqlirini kötürüp, zulumgha qarshi tüzülgen birlik sépige qétilghanliqini maxtidi we sherqiy türkistandiki zulumlarningmu dunya musulmanlirining diqqitidin sirtta qalmaydighanliqini we Uyghur qérindashlarningmu haman bir küni hörlük we sa'adet ichide bextini tapidighanliqigha ishinidighanliqini bildürdi.

Asiya, afriqa we yawropa tewelikidiki özliri temsil qilghan jem'iyet we shexsiy salahiyitidiki her türlük milletlerning wekilliridin bolup, 300din artuq adem qatnashqan mezkur namayish pa'aliyiti shu yer waqti chüshtin kéyin sa'et 3 tin, 5 ke qeder 2 sa'et dawam qildi.

Namayish ishtirakchiliridin ziyaritimizni qobul qilghan Uyghurlar özlirining bu namayishqa qétilishidiki seweb-meqsetlirini insanliq we musulmanliq mejburiyitige baghlap chüshendürdi.

Uyghurlarning ortaq pikride yer alghan özgiche bir mezmun, ottura sherqtiki zulum astida qalghan milletlerning, eyni chaghda sherqiy türkistanliq Uyghurlar üchün hésdashliq qilmighanliqi seweblik bügünki éghir aqiwetke qalghanliqini ilgiri sürüsh we ularning qismetliridin ibret élip, zulumgha qarshi birlishishning muhimliqida ipadilendi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet