Долқун әйса б д т кишилик һоқуқ кеңиши йиғинида уйғурлар мәсилисини оттуриға қойди

Ихтиярий мухбиримиз әкрәм
2017-06-12
Share
Dolkun-Eysa-bdt.jpg Долқун әйса әпәнди билән питер ирвен әпәнди б д т кишилик һоқуқ кеңишиниң 35-нөвәтлик йиғинида. 2017-Йили 6-июн, җәнвә.
RFA/Ekrem

Б д т кишилик һоқуқ кеңишиниң 35-нөвәтлик йиғини 6-айниң 6-күни җәнвәдә башланди.

Җәнвәдә бу қетим өткүзүлгән кишилик һоқуқ алий кеңиши йиғиниға дуня уйғур қурултийиниң баш катипи долқун әйса әпәнди билән қурултайниң программа йетәкчиси питер ирвенләр қатнашқан. Бүгүн б д т да чақирилған "иқтисадий пилан вә асиядики инсан һәқлири" намлиқ йиғинда нутуқ сөзлигән долқун әйса әпәнди, нутқида, ши җинпиң тәхткә чиққандин буян шәрқий түркистандики инсан һәқлири дәпсәндичиликиниң йүксәк пәллигә чиққанлиқини илгири сүргән. 

Бу қетимқи йиғинға қатнашқан д у қ программа йетәкчиси питер ирвен әпәндиму җәнвәдин зияритимизни қобул қилип, долқун әйса әпәндиниң уйғур вәтинидә йүз бериватқан һәқсизлиқлар үстидин йетәрлик дәриҗидә шикайәтләр қилғанлиқини тилға алди. У мундақ деди: "долқун әйса әпәнди өз нутқида наһайити көп мәзмунлар һәққидә тохталди. Мәсилән, хитай һөкүмитиниң уйғурларниң д н а әвришкисини йиғиштики яман ғәризи, чәтәлдики уйғурларни юртиға қайтишқа мәҗбурлап, уларниң ата-ана, уруқ-туғқанлирини гөрүгә еливелиш мәсилиси, тайландтики уйғур мусапирлири мәсилиси, уйғурчә исимларни чәкләш қилмиши қатарлиқлар. Униң нутқи йиғин әһлиниң интайин җиддий диққитини қозғиди. Йиғиндин кейин нурғунлиған дөләтләрниң вәкиллири долқун әйса әпәнди билән айрим көрүшүп, өзлирини уйғурлар һәққидә техиму әтраплиқ мәлуматлар билән тәминләшни тәләп қилишти."

Долқун әйса әпәнди бүгүнки нутқида йәнә, нуқтилиқ һалда хитайниң "бир бәлвағ, бир йол" сиясити үстидиму тохталған. 

4-Айниң 26-күни нюйорктики б д т йәрлик милләтләр мунбириниң 16-нөвәтлик йиғиниға қатнишиватқан долқун әйса әпәндини йиғинниң 3-күни б д т дин һәйдәп чиқарған иди. Хитайниң бесими билән елип берилған бу һәқсизлиқ әйни чағда хәлқарадики нурғунлиған кишилик һоқуқ тәшкилатлириниң қаттиқ наразилиқини қозғиған, көплигән тәшкилатлар баянатлар елан қилип, б д т ни әйиблигән иди. 

Долқун әйса әпәнди 12-июн сөзлигән нутқида, хитайниң ялғуз шәрқий түркистандила әмәс, ғәрб демократик әллиридиму инсан һәқлирини дәпсәндә қиливатқанлиқини тәкитлигән.

Җәнвәдики б д т сарийида башланған бу қетимқи йиғин 6-айниң 23-күнигә қәдәр давамлишидиған болуп, әтидин башлап д у қ хадимлири уйғурларға вакалитән йәнә көп қетим нутуқлар сөзләйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт