D u q hey'itining awstraliyediki ziyariti namayish bilen axirlashti

D u q hey'itining awstraliyediki ziyaritidin bir körünüsh. 2018-Yili 6-dékabir. Sidnéy, awstraliye.

Dunya Uyghur qurultiyi hey'itining 12-ayning 9-künigiche awstraliyening kanbérra, sidnéy, adilayd we mélborin sheherlirige élip barghan 1 heptilik ziyariti 9-dékabir küni mélborin parlaméntining aldida ötküzülgen namayish bilen axirlashqan. Namayishqa awstraliyede yashawatqan Uyghur jama'iti, wéytnamliqlar we parlamént ezaliri bolup köp sanda kishi qatnashqan.

Dunya Uyghur qurultiyining re'isi dolqun eysa ependi ziyaritimizni qobul qilip, özining awstraliyede élip barghan bir heptilik ziyariti jeryanida köp qétim doklat bergendin sirt, yene birleshken döletler teshkilati kishilik hoquq xitabnamisige qol qoyulghanliqining 70 yilliqi munasiwiti bilen tibetler, wéytnamliqlar, falun'gongchilar we xelq'ara kechürüm teshkilati birlikte mélborin shehiride uyushturulghan namayishqa qatnashqanliqini bayan qildi. 

D u q ijra'iye komitétining re'isi ömer qanat ependi bu namayishqa parlamént ezaliriningmu qatnashqanliqini tilgha aldi.

D u q ning re'isi dolqun eysa bashchiliqidiki hey'et awstraliyede élip barghan ziyariti jeryanida awstraliyediki parlamént ezaliri, mutexessisler, sherqiy türkistan ammiwi teshkilatlirining mes'ulliri bilen uchrashqan. Uningdin sirt yene awstraliyediki türk ammiwi teshkilatliri bilenmu uchrashqan. 

D u q re'isi dolqun eysa, ijra'iye komitétining re'isi ömer qanat, amérikidiki Uyghur kishilik hoquq qurulushining re'isi nuri türkel we Uyghur kishilik hoquq qurulushining xadimi lu'isa xanimlardin terkib tapqan bu hey'etning bir heptilik ziyariti qandaq ötti? qandaq netijiler qolgha keldi? ömer qanat ependi sözide özlirining bu qétimqi awstraliye ziyaritini 4 jehettin xulasilighili bolidighanliqini tilgha aldi.
D u q re'isi dolqun eysa ependi bu qétimqi awstraliye ziyariti jeryanida yurtdashlarning dunya Uyghur qurultiyigha bolghan chüshinishining téximu chongqurlashqanliqini bayan qildi. 

Igilishimizche, d u q hey'itining awstraliye ziyariti 12-ayning 2-künidin 9-künigiche dawamlashqan.