D u q ijra'iye komitétining yighini bashlandi

Ixtiyariy muxbirimiz ekrem
2018.04.23
Share on WhatsApp
Share on WhatsApp
DUQ-Ijraiye-komititi-yighini-2018-00.JPG 6-Nöwetlik dunya Uyghur qurultiyining tunji nöwetlik ijra'iye komitéti yighinidin bir körünüsh. 2018-Yil 22-aprél. Antiwérfén, bélgiye.
RFA/Ekrem

D u q ning ötken yili chaqirilghan 6-nöwetlik pewqul'adde qurultiyidin kéyinki tunji nöwetlik ijra'iye komitéti kéngeytilgen yighini bélgiyening antiwérfén shehiride 22-aprél chüshtin kéyin bashlandi.

Melum bolushiche, yilda ikki qétim ijra'iye komitéti yighini chaqirish ishi d u q ning nizamnamiside belgilen'gen bolup, bu yighinlarda aldinqi yérim yilliq xizmetler xulase qilinish bilen birge kelgüsi 6 ayliq xizmetlerning pilan-programmiliri muzakire qilinidiken hemde muhim qararlar élinidiken.

Neq meydandin igiligen melumatlirimizgha köre, antiwérfén shehiride bashlan'ghan bu yighin'gha amérika, kanada, yaponiye, awstraliye, türkiye, qazaqistan, qirghizistan, en'gliye, shiwétsiye, shwétsariye, norwégiye, gollandiye, gérmaniye qatarliq 10 din artuq dölettin kelgen d u q rehberliri hemde d u q terkibidiki herqaysi ellerdin kelgen yerlik teshkilatlarning mes'ulliri qatnashqan. Yighinning échilish murasimigha qurultay ijra'iye komitétining re'isi ömer qanat ependi riyasetchilik qilghan. 

D u q ning re'isi dolqun eysa ependi tunji bolup sözge teklip qilin'ghanda bu qétimqi yighin'gha ishtirak qilghan wekillerni qarshi alidighanliqini tekitlesh bilen birge 6-nöwetlik qurultaydin buyanqi 5 ayliq xizmetler heqqide doklat bergen. U doklatida d u q ning qisqighina 5 ay ichide yawropa döletliri, shimaliy amérika, türkiye, yaponiye qatarliq ellerde élip barghan muhim xizmetlirini eskertip ötken. 

Yighinda qurultay ijra'iye komitétining re'isi ömer qanat ependi, d u q ning 6-nöwetlik wekiller qurultiyi axirlashqan 2017-yili 11-ayning 12-künidin bügünki ijra'iye komitétining yighini bashlan'ghan 2018-yili 4-ayning 22-künigiche bolghan jeryandiki 5 ayliq xizmetlerning xulase doklatini yighin ehlining diqqitige sun'ghan. 

Doklatta orun alghan mezmunlar 7 chong téma astida bayan qilin'ghan bolup, d u q ning bu 5 ay ichide muhajirlar mesilisi saheside yawropa döletliri we yawropa ittipaqida, b d t we xelq'ara yighinlarda, amérika we kanadada, türkiyede we yaponiyede Uyghurlar mesilisini anglitish boyiche élip barghan muhim pa'aliyetliri hemde xizmetlirining sani yüz qétimdin halqip ketken. 

Qurultayning mu'awin re'isi perhat muhemmidi ependi bu yighin heqqide toxtalghanda, Uyghur élida xitayning zulumi ewjige chiqqan bir mezgilde ijra'iye komitétining yighinini chaqirishning sewebi hem ehmiyetlirini tilgha aldi.

D u q ijra'iye komitétining kéngeytilgen yighini 2 kün dawam qilidighan bolup, etidin bashlap qurultay terkibidiki herqaysi komitétlarning kelgüsi 6 ayliq xizmet pilanliri közdin köchürülüp qurultay idare hey'itining testiqigha sunulidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.