D u q ijra'iye komitéti yighinida muhim qararlar qobul qilindi

Ixtiyariy muxbirimiz ekrem
2018.04.24
Share on WhatsApp
Share on WhatsApp
DUQ-Ijraiye-Yighini-Belgiye-2018-01.JPG D u q ijra'iye komitétining bélgiyede échilghan yighinidin bir körünüsh. 2018-Yil 23-aprél. Antiwérfén, bélgiye.
RFA/Ekrem

23-Aprél bélgiyening antiwérfén shehiride dawamlashqan d u q ijra'iye komitétining kéngeytilgen yighinida ijra'iye komitéti terkibidiki herqaysi bölümlerning 2018-yilining ikkinchi yérimida élip bérishi pilanlan'ghan xizmet layihiliri közdin köchürülüp, choqum emeliyleshtürüsh we ijra qilinish küntertipke qoyulghan mezmunlar heqqide muhim qararlar qobul qilindi.

Igilishimizche, ötken yili 11-ayda gérmaniyening myunxén shehiride chaqirilghan 6-nöwetlik pewqul'adde qurultayda herqaysi döletlerdin kelgen 130 din artuq wekilning ortaq testiqi bilen d u q ijra'iye komitéti terkibide 19 komitét tesis qilin'ghan idi. Bu qétimqi yighinda mezkur komitétlarda wezipe alghan rehberlerning ötken alte ayliq xizmet doklatliri közdin köchürülüp, mes'uliyitini ada qilmighan komitét mes'ulliri tenqidlendi we aktip xizmette bolghan, netije yaratqan komitét mes'ulliri teqdirlendi. 

Bu yighin'gha közetküchi süpitide qatnashqan awstraliyediki Uyghur ziyaliysi bextiyar böre ependi neq meydanda ziyaritimizni qobul qilghanda dolqun eysa rehberlikidiki d u q ning istiqbaligha ümid bilen qaraydighanliqini bildürdi.

D u q terkibidiki komitétlarning xizmet layihiliri ichide muhajirettiki Uyghur musapirliri mesilisini hel qilishning chare-tedbirliri, b d t we yawropa parlaméntida élip baridighan pa'aliyetlerning pilan-programmiliri, d u q terkibidiki teshkilatlarni küchlendürüsh we köpeytishning ré'alni layihisi, d u q tor téléwiziyisi we d u q teshwiqatini janlandurushning yéngi tedbirliri, namsiz mehbuslar we tutqunlarning arxipini toplash xizmitini dawamlashturushning her türlük yolliri, muhajirettiki Uyghurlarni dewa sépige yéqinlashturush usulliri qatarliq keng saheler orun alghan. 

Qirghizistandin kelgen Uyghur mötiwerliridin rozi muhemmed hajim, yighin'gha bolghan razimenlikini bildürdi. Qirghizistandin kelgen dilnare xanim bolsa, yighinda muzakirige qoyulghan “Uyghurluq bedili” toghrisida toxtaldi. 

Bu qétimqi yighinda diqqetni chékidighan muhim témilarning biri, muhajirettiki Uyghurlar arisida “Uyghurluq bedili” ni omumlashturush pilan-layihesining testiqtin ötüshidur. Bu pilan'gha köre, 2018-yili 6-aydin bashlap muhajirette yashawatqan, yéshi 18 din halqighan herbir Uyghur her ayda 1 dollardin 5 dollarghiche “Uyghurluq bedili” tapshuridighan bolup, d u q bu xizmetning konkrét chare-tedbirliri heqqide ayrim uqturush tarqitidiken we bu layihining amérikidin yawropaghiche, asiyadin awstraliyegiche omumlishishi üchün küch chiqiridiken. 

D u q ning yaponiye we tinch okyan rayonigha mes'ul wakaletchisi ilham mexmut ependi, tunji nöwetlik ijra'iye komitéti kéngeytilgen yighinining mezmuni mol, ehmiyiti zor, élin'ghan qararlirining muhimliq derijisi yuqiri bir yighin bolghanliqini tilgha aldi. 

D u q ijra'iye komitétining bu qétimliq yighinigha qatnashqan wekiller bu yighinning hazirgha qeder d u q ijra'iye komitéti teripidin ötküzülgen yighinlar ichide eng ehmiyetlik, eng muhim bir yighin bolghanliqini eskertti.

D u q rehberlirining bildürüshiche, tunji nöwetlik ijra'iye komitéti kéngeytilgen yighinining küntertipige bina'en yighin bügün axirlashqan. Emma yighinda muzakire qilidighan we qarargha baghlashqa tégishlik yene bezi muhim mesililerge waqit yétishmigenliki seweblik, 26-aprél küni yighin yene bir kün dawamlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.