Рабийә қадир ханим токйодики чәтәл мухбирлири кулубида мухбирларни күтүвалди

Ихтиярий мухбиримиз һаҗи қутлуқ қадири
2017.02.13
Share on WhatsApp
Share on WhatsApp
duq-rabiye-yaponiye-muxbir-kutuwelish.jpg Рабийә қадир ханим токйодики чәтәл мухбирлири кулубида мухбирларни күтүвелиш йиғинида. 2017-Йили 13-феврал, токйо.
RFA/Qutluq

11-Февралдин башлап японийәниң токйо шәһиридә зиярәттә болуватқан дуня уйғур қурултийиниң рәиси рабийә қадир ханим 13-феврал токйодики чәтәл мухбирлири кулубида мухбирларни күтүвелиш йиғини чақирип, чәтәл вә япон мәтбуатлириға нөвәттики уйғур вәзийитидин қисқичә доклат бериш билән биргә, мухбир вә журналистларниң уйғур мәсилиси һәққидә сориған түрлүк соаллириға җаваб бәргән.

Токйода чақирилған мухбирларни күтүвелиш йиғиниға рабийә қадир ханимға һәмраһ болуп дуня уйғур қурултийиниң муавин рәислиридин сейит түмтүрк вә үмид хәмит қатарлиқлар қатнашқан.

Мухбирларни күтүвелиш йиғини чүштин кейин саәт үч йеримдин төт йеримға қәдәр давам қилған болуп, йиғинда фирансийә мухбирлири ши җинпиң һөкүмитиниң уйғур елида йүргүзүватқан түрлүк бастуруш сиясәтлири тоғрисида рабийә қадир ханимдин көплигән соалларни сориған.

Бу қетимқи токйода чақирилған мухбирларни күтүвелиш йиғиниға японийә дөләтлик телевизийә қаналлиридин н һ к ниң мухбирлириму иштирак қилған.

Мәзкур кулубта бүгүн йәнә, рабийә қадир ханимдин илгири тибәт сәргәрдан һөкүмитиниң баш министири лобсаң саңай тибәт мәсилиси бойичә мухбирларни күтүвелиш йиғини чақирған.

Нөвәттә диққитиңлар, мухбирларни күтүвелиш йиғини ахирлашқандин кейин, рабийә қадир ханим вә дуня уйғур уйғур қурултийиниң муавин рәислиридин сейит түмтүрк вә үмид хәмит қатарлиқлар билән елип барған сөһбитимиздә болсун.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.