Rabiye qadir xanim tokyodiki chet'el muxbirliri kulubida muxbirlarni kütüwaldi

11-Féwraldin bashlap yaponiyening tokyo shehiride ziyarette boluwatqan dunya Uyghur qurultiyining re'isi rabiye qadir xanim 13-féwral tokyodiki chet'el muxbirliri kulubida muxbirlarni kütüwélish yighini chaqirip, chet'el we yapon metbu'atlirigha nöwettiki Uyghur weziyitidin qisqiche doklat bérish bilen birge, muxbir we zhurnalistlarning Uyghur mesilisi heqqide sorighan türlük so'allirigha jawab bergen.

Tokyoda chaqirilghan muxbirlarni kütüwélish yighinigha rabiye qadir xanimgha hemrah bolup dunya Uyghur qurultiyining mu'awin re'isliridin séyit tümtürk we ümid xemit qatarliqlar qatnashqan.

Muxbirlarni kütüwélish yighini chüshtin kéyin sa'et üch yérimdin töt yérimgha qeder dawam qilghan bolup, yighinda firansiye muxbirliri shi jinping hökümitining Uyghur élida yürgüzüwatqan türlük basturush siyasetliri toghrisida rabiye qadir xanimdin köpligen so'allarni sorighan.

Bu qétimqi tokyoda chaqirilghan muxbirlarni kütüwélish yighinigha yaponiye döletlik téléwiziye qanalliridin n h k ning muxbirlirimu ishtirak qilghan.

Mezkur kulubta bügün yene, rabiye qadir xanimdin ilgiri tibet sergerdan hökümitining bash ministiri lobsang sangay tibet mesilisi boyiche muxbirlarni kütüwélish yighini chaqirghan.

Nöwette diqqitinglar, muxbirlarni kütüwélish yighini axirlashqandin kéyin, rabiye qadir xanim we dunya Uyghur Uyghur qurultiyining mu'awin re'isliridin séyit tümtürk we ümid xemit qatarliqlar bilen élip barghan söhbitimizde bolsun.

Yuqiriqi awaz ulinishidin tepsilatini anglang.