Rabiye qadir xanim yaponiye kamakura sheher parlaméntida Uyghur mesililiri boyiche doklat berdi

Uyghur milliy herikitining rehbiri rabiye qadir xanim we d u q ning bezi ezaliri yaponiyening kanagawa ölkisi kamakura sheher parlaméntining alahide teklipi bilen yighinda. 2017-Yili 14-féwral, yaponiye.

Uyghur milliy herikitining rehbiri rabiye qadir xanim we d u q ning bezi ezaliri yaponiyening kanagawa ölkisi kamakura sheher parlaméntining alahide teklipi bilen yighinda. 2017-Yili 14-féwral, yaponiye.

11-Féwraldin bashlap yaponiyede ziyarette boluwatqan Uyghur milliy herikitining rehbiri rabiye qadir xanim 14-féwral küni yaponiyening kanagawa ölkisi kamakura sheher parlaméntining alahide teklipige asasen Uyghur mesililiri boyiche doklat bergen.

Kamukura sheher parlaménti bolsa ötken yili rabiye qadir xanimning mezkur sheher parlaméntida bergen doklatigha asasen, mexsus Uyghur kishilik hoquq mesililiri boyiche qarar maqullap yaponiye parlaméntigha mexsus teklip sun'ghan.

Kamakura sheher parlaménti Uyghur kishilik hoquq mesilisige yéqindin diqqet qilip kéliwatqan yaponiyediki birdin ‏- bir sheher parlaméntliridin biri bolup, rabiye qadir xanim parlaméntta doklat bergendin kéyin, mezkur sheherning sheher bashliqi bilen ayrim halda söhbette bolghan.

Rabiye qadir xanimning bu qétimqi doklat bérish pa'aliyitige dunya Uyghur qurultiyining mu'awin re'isliri séyit tümtürk, ümid xemit, ayallar komitétining mudiri gülmire zunun, yaponiye Uyghur birliki teshkilatining re'isi turmuhemmet hashim we türk teshkilatlirining wekilliridin mehmet ependi qatarliqlar qatnashqan.

Doklat bérish pa'aliyiti etigen sa'et on bir yérimdin on ikki yérimgha qeder bir sa'et dawam qilghan.