Д у қ рәһбәрлирини явропа парламентиниң йәнә бир қисим әзалири қобул қилди

Ихтиярий мухбиримиз әкрәм
2017-01-25
Share
duq-wekilliri-yawropa-parlamentida-8.jpg Д у қ рәһбәрлиридин өмәр қанат вә долқун әйса әпәндиләр явропа парламентидики бир һәптилик зиярәттә. 2017-Йили 25-январ, бирюссел, белгийә.
RFA/Ekrem

25-январ явропа парламентида зиярәттә болуватқан д у қ рәһбәрлирини парламентниң бир қисим муһим әрбаблири қобул қилди.

23-январдин башлап явропа парламентидики бир һәптилик зияритини башлиған д у қ рәһбәрлирини бүгүн явропа бирлики ташқи ишлар комитетиниң рәиси әлмар брок вә униң ярдәмчиси вероника фуһирман, парламент әзаси, муһит, сәһийә комитетиниң мәсули коллин лаңес вә униң ярдәмчиси, парламент әзаси, либерал демократлар партийисиниң мәсули, иҗтимаий әркинлик вә адаләт комитетиниң әзаси гирисбек ханим һәмдә парламентниң исмини ашкарилашни халимиған йәнә 2 муһим оргининиң мәсуллири қобул қилди. Бүгүн кәчтә йәнә икки органниң мәсули билән сөһбәтләр болмақчи.

Д у қ рәһбәрлириниң билдүрүшичә, уларниң бүгүнки зиярити техиму нәтиҗилик елип берилған.

Биз бу мунасивәт билән явропа парламентида уйғурларға вакалитән зиярәттә болуватқан д у қ муавин рәиси өмәр қанат, баш катип долқун әйса һәмдә қурултай программа ярдәмчиси, у н п о әзаси лусия ханимларни зиярәт қилип, уларниң бу бир күндики сөһбәтләрдин һасил қилған тәсиратлирини алдуқ.

Лусия ханим бүгүнки паалийәтләр һәққидә тохтилип мунуларни билдүрди: "көплигән парламент әзалири наһайити яхши инкасларда болди. Мән шуни кесип ейталаймәнки, явропа парламенти вә башқа мунасивәтлик органларда уйғур мәсилигә болған қизиқиш күчийиветипту. Нөвәттә парламент әзалири уйғур мәсилиси һәққидә көп учурларға игә қилинипту вә улар уйғур мәсилигә йеқиндин диққәт қиливетипту. Мәнчә улар бизгә ярдәм қолини сунушқа техиму һазирлинипту."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт