Уйғур әрздар: бейҗиңда бизгә көврүкниң астидиму орун йоқ, ботулкичилиқтин башқа иш
2015.04.17
Хитай өлкилиридә хели йиллардин бери уйғурлар меһманханиға елинмай кәлгән, бу җиддий бир миллий кәмситиш мәсилиси сүпитидә хитайниң ичи вә сиртида диққәт қозғиған ; бу сәвәбтин вәзийәт мутәхәссислири вә кишилик һоқуқчилар хитай тәрәпни бу мәсилисини түзитиш һәққидә агаһландуруп кәлгән. Йеқинқи учурлардин қариғанда, хитай шәһәрлиридики бу мәсилә түзәлгән әмәс.
Хитай көчмәнлири уйғур районииға қарап тохтимай еқиватқан вә у йәрдә иш вә туралғу җәһәттә алаһидә имтиязларға игә болуватқан мушу күнләрдә, миңбир җапада бейҗиңға йетип барған уйғур әрздарлар чарисиз һалда йетиватқан көврүкниң астидинму һәйдалған. Бурун қурулушларда қошумчә ишләп күн өткүзүватқан бу әрздарлар, әмдиликтә миллий кимлики сәвәблик ишләмчиликкиму қобул қилинмиған. Нөвәттә улар кечилири әхләт сандуқлиридин ботулка йиғип сетип күн кәчүрмәктә.