Myunxénda xitayning Uyghur ilidiki qanliq qirghinchiliqigha qarshi namayish élip bérildi

Kishilik hoquq küni munasiwiti bilen xitay konsulxanisining aldida élip bérilghan namayishtin körünüsh. 2013-Yili 10-dékabir, gérmaniye.

D u q rehberlirining bergen melumatlirigha asaslan'ghanda, bügün 10-yanwar küni gérmaniyining myunxén shehiridiki xitay konsulxanisi aldida Uyghur ilidiki qanliq qirghinchiliqlargha qarshi keng kölemlik naraziliq namayishi élip bérilghan.

Ötken bir yilda Uyghur wetinide yüz bergen köpligen weqelerde xitay hökümitining Uyghur qarshiliq küchlirini qirghin qilish heriketliri dunya jama'itining diqqitini qozghash bilen birge, chet'ellerde yashawatqan Uyghurlarningmu qattiq naraziliqini qozghighan idi. D u q xadimlirining bildürüshiche, qurultay rehberliki xitayning Uyghur pida'iylirigha qolliniwatqan wehshiylerche basturush qilmishlirigha naraziliq bildürüsh üchün 10-yanwardin bashlap Uyghurlar merkezliship olturaqlashqan döletlerde namayish qilish, yighin uyushturush shekilliride zor kölemlik heriket qozghashni pilanlighan.

D u q ijra'iye komitéti re'isi dolqun eysa ependi bu heqte toxtilip, xitayning ötken bir yilda az dégende 300 din artuq bigunah Uyghurni qirip tashlighanliqini tilgha aldi. Gérmaniyining myunxén shehiridiki xitay konsulxanisi aldida élip bérilghan bu namayishni teshkilligen yawropa sherqiy türkistan birliki teshkilati re'isi enwerjan ependi bu toghrisida ziyaritimizni qobul qilip, bügünki bu namayishning gérmaniye muxbirliri, saqchiliri we xelqining köp diqqitini chekkenlikini bildürdi.