Uyghur wekilliri gérmaniye tashqi ishlar ministirliqidiki söhbet yighinigha qatnashti

Ixtiyariy muxbirimiz ekrem
2015-11-10
Share
umid-agahi-esqerjan.jpg Ümid agahi ependi we esqer ependi gérmaniye tashqi ishlar ministirliqi kishilik hoquq komitéti re'isi shitrasér (Strazer) ependi bilen birge. 2015-Yili 10-noyabir, gérmaniye.
RFA/Ekrem

Uyghur wekilliri 10-noyabir gérmaniye tashqi ishlar ministirliqining teklipi bilen bérlin'gha bérip, tashqi ishlar ministirliqi kishilik hoquq komitéti we xelq'ara démokratiye, yardem fondining rehberliri bilen Uyghurlar mesilisi toghriliq söhbet élip barghan.

D u q mu'awin re'isi ümid agahi we esqerjan ependilerning 10-noyabir bérlindin bergen melumatigha asaslan'ghanda, gérmaniye tashqi ishlar ministirliqi insan heqliri komitéti bilen xelq'ara yardem fondi 23-noyabir küni xitaygha bérip, xitay dölet xadimliri bilen kishilik hoquq mesilisi boyiche söhbet élip baridighan bolup, bu söhbettin ilgiri gérmaniye tashqi ishlar ministirliqi Uyghurlar, tibetlikler we xelq'ara chégrasiz muxbirlar teshkilati wekillirining pikrini élishni muwapiq körgen.

Teklipke bina'en Uyghurlargha wakaliten d u q din ümid agahi we esqerjanlar myunxéndin alayiten paytext bérlin'gha bérip, tashqi ishlar ministirliqi binasida sa'et 10:00 din 12:00 giche dawamlashqan bu uchrishishqa qatnashqan.

Ümid agahining éytishiche, gérmaniye tashqi ishlar ministirliqi kishilik hoquq komitéti we xelq'ara yardem fondining rehberliri xitaygha barghandin kéyin xitay terep bilen birge muxbirlarni kütüwélish yighini chaqiridighan bolup, bu yighinda Uyghurlar mesilisini tilgha élish üchün, aldi bilen gérmaniyediki d u q rehberlirining pikrini anglashni xalighan.

Bu uchrishishta qurultay mes'ulliri Uyghurlarning nöwettiki weziyiti toghriliq etrapliq melumatlar bergen. Xitay da'iriliri gérmaniye tashqi ishlar ministirliqi xadimlirini béyjingdiki bir meschitni ziyaret qilduridighan bolup, buninggha qarita d u q rehberliri gérmaniye tashqi ishlar ministirliqi xadimlirigha Uyghur ilidiki meschitlerni ziyaret qilish telipini otturigha qoyush teklipini bergen.

Qurultay mu'awin re'isi esqerjan ependimu bu qétimqi uchrishishning ehmiyetlik bolghanliqini tilgha aldi. U sözide, gérmaniye tashqi ishlar ministirliqi xadimlirigha xitay bilen bolghan di'alog we munasiwetlerde bek diplomatik nazlarning lazim emeslikini, keskinrek bolushning paydiliq ikenlikini qeyt qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet