Myunxéndiki Uyghurlar ghulja weqesini xatirilep namayish qildi

5-Féwral ghulja weqesini xatirilesh, xitaygha bolghan naraziliqini ipadilesh üchün xitay konsulxanisi aldida ötküzülgen namayishidin körünüsh. 2015-Yili 5-féwral, myunxén.

Gérmaniyening myunxén shehiridiki Uyghurlar her yildikidek bu yilmu 5-féwral ghulja weqesini xatirilesh, xitaygha bolghan naraziliqini ipadilesh üchün 5-féwral küni xitayning myunxén shehiride turushluq konsulxanisining aldigha jem bolup, naraziliq namayishi ötküzüp, hemme birdek “Ghulja qirghinchiliqini untumaymiz”, “Uyghurlargha erkinlik” dégendek türlük sho'arlarni towlashti. Biz neq meydan'gha téléfon bérip, namayish ehwalini igiliduq. Namayish teshkilligüchilirining éytishiche, ular qollirida sherqiy türkistanning ay yultuzluq kök bayriqi bilen d u q re'isi rabiye qadir xanim, ilham toxti we ghulja weqeside shéhit bolghan Uyghurlarning resimliri chüshürülgen lozunkilarni kötürgen.

Bu namayishni yawropa sherqiy türkistan birliki bilen dunya Uyghur qurultiyi ortaq uyushturghan bolup, ijra'iye komitéti re'isi dolqun eysa ependi bilen ablimit tursun ependiler namayish toghrisida melumat berdi. Ular, hawaning nöldin töwen 10 gradus soghuq bolushigha qarimay bu pa'aliyetke köp sanda kishi qatnashqanliqini, qolida ay yultuzluq kök bayraq, gérmaniye bayriqi we her türlük lozunkilarni kötürüwalghan hemde namayishchilar birdek halda türlük sho'arlarni towlashqanliqini bayan qildi.

Tepsilatini awaz ulinishidin anglighaysiler.