Yaponiyede 5-féwral ghulja weqesining 19 yilliqi türlük pa'aliyetler bilen xatirilenmekte

Ixtiyariy muxbirimiz haji qutluq qadiri
2016.02.10
Share on WhatsApp
Share on WhatsApp
gulistan-xanim-ghulja-weqesini-xatirilesh.jpg Yaponiye Uyghur birliki teshkilatining da'imiy hey'et ezasi gülistan “5-Féwral ghulja weqesi” ni xatirilesh pa'aliyitide söz qilmaqta. 2016-Yili 7-féwral, tokyo.
RFA/Qutluq

1997-Yillidiki 5-féwral ghulja weqesining 19 yilliqi munasiwiti bilen yaponiyening her qaysi sheherliridiki kishilik hoquq teshkilatliri türlük pa'aliyetlerni élip bardi.

2-Ayning 5-küni ataqliq tébbiy penler doktori, nagasaki döletlik dawalash merkizining doxturi iwanagaki yaponiyediki kishilik hoquq teshkilatliridin biri bolghan xitaydiki milletler mesilisi munbirining tor bétide 5-féwral ghulja weqesi munasiwiti bilen bayanat élan qilip mezkur weqede hayatidin ayrilghan Uyghur yashlirini eslidi.

Yaponiye Uyghur jem'iyitining re'isi ilham mexmut 5-féwral ziyaritimizni qobul qilip, 2009-yili 7-féwral élip bérilghan tunji qétimliq 5-féwral ghulja weqesi munasiwiti bilen tokyoda ötküzülgen namayishtin ta hazirgha qeder bolghan bu heqtiki xatirilesh pa'aliyetlirini bir-birlep eslep ötti.

Tokyoda ötken yili öktebir éyida qurulghan yaponiye Uyghur birliki teshkilati 7-féwral küni tokyo shinjukudiki medeniyet merkizining yighin zalida kech sa'et alte yérimdin sekkiz yérimgha qeder 5-féwral ghulja weqesini xatirilep ilmiy muhakime yighini élip barghan.

Mezkur yighinni teshkilligüchilerdin biri, yaponiye Uyghur birliki teshkilatining mu'awin re'isi, iqtisad penliri mutexessisi ghalip mijit bu heqte toxtaldi.

Pa'aliyette söz qilghan yaponiye Uyghur birliki teshkilatining da'imiy hey'et ezasi gülistan 5-féwral ghulja weqesini esliginide özining tolimu azablinidighanliqini bayan qildi.

Yaponiyede élip bériliwatqan Uyghur kishilik hoquq pa'aliyetlirini uzundin buyan qollap kéliwatqan we bu pa'aliyetke ishtirak qilghan yaponlardin sato Uyghurlar heqqide toxtilip: “Uyghurlar ottura asiyadiki türkiy tilliq milletlerdin biri bolup, ularning tili, medeniyiti, tarixiy xitay millitidin tolimu perqliq bolghan millet. Uyghurlar öz tarixida ajayip alemshumul büyük medeniyetlerni yaratqan. Shunga ular hemishe öz kimlikini qoghdashqa tirishidu” dédi.

Kishilik hoquq pa'aliyetchisi ilham mahmuttin igilishimizche, 21-féwral tokyoda yene yaponiye Uyghur jem'iyiti 5-féwral ghulja weqesining 19 yilliqini xatirilesh yüzisidin pa'aliyet élip baridiken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.