Awstraliyede 5-féwral weqesining 17 yilliqi xatirilendi

Ixtiyariy muxbirimiz abide
2014.02.11
awstraliye-ghulja-weqesi-yighilish.jpg 5-Féwral ghulja weqesining 17 yilliqi xatirilesh murasimidin körünüsh. 2014-Yili féwral, awstraliye.
RFA/Abide

Ötken hepte awstraliyening adilayd shehiride sherqiy türkistan awstraliye jem'iyitining orunlashturushi bilen ghulja weqesining 17 yilliqi xatirilendi we shéhitlargha atap du'a-tilawetler qilindi.

Pa'aliyet adilaydtiki Uyghurlarning diniy alimi, imam abdusalam alim ependining qur'an tilawet qilishi bilen bashlandi.

2 Sa'et dawamlashqan bu yighilishta sherqiy türkistan awstraliye jem'iyitining re'isi abdulghopur mömin ependi “Sherqiy türkistanda yürgüzülüwatqan xitay zulumliri we sherqiy türkistan milliy musteqilliq heriketliri” dégen témida, mu'awin re'is dilzat dimyan ependi xitay teripidin tutulghan Uyghur ziyaliyliridin ilham toxti ependi we abduweli ayup ependi heqqide teyyarlap kelgen doklatini, sherqiy türkistan awstraliye jem'iyitining katipi nurmuhemmet türkistani “5-Féwraldin hazirghiche yüz bergen weqeler we Uyghurluq mes'uliyiti” témisida toxtilip ötti. Yighinda yene sherqiy türkistan awstraliye jem'iyitining pexri re'isi exmet igemberdi ependi we weqe shahitliri sözge chiqip weqening ehmiyiti, tesiri heqqide toxtilip ötti hem ghulja weqesining, shéhitlarning untulmaydighanliqi heqqide sözler qilishti.

Pa'aliyettin kiyin ziyaritimizni qobul qilghan nurmuhemmet türkistani ependim bu heqte toxtaldi.

Bu qétimqi xatirilesh söhbet yighini köpchilikning shéhitlargha shundaqla xitay zulumi astida qiyniliwatqan qérindashlirigha du'a qilishi bilen axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.