Шаһитлардин бири ғулҗа шәһиридики "тәрбийиләш лагерлири" ниң орни вә сани һәққидә мәлумат бәрди

Мухбиримиз шөһрәт һошур
2018-04-20
Share
yepiq-terbiyelesh-korla-turme.jpg Икки нәпәр хитай сақчисиниң "тәрбийәләш мәркизи" ниң алдида турған көрүнүши. 2017-Йили 2-ноябир, корла.
AP Photo/Ng Han Guan

Нөвәттә чәтәлдә яшаватқан, өткән йилниң ахири бир сақчи достиниң һәмраһлиқида "йепиқ тәрбийиләш лагерлири" ни көрүш пурситигә игә болған бирәйлән ғулҗа шәһиридики "йепиқ лагер" ларниң орни һәққидә тохтилип, лагердикиләрниң әһвали һәққидә бир қисим мәлуматлар билән тәминлиди. У, "тәрбийиләш мәркизи" дәп аталған 5 орундики лагерниң әмәлийәттә бир түрмә икәнликини, лагердикиләрниң мәһбус кийими кийидиғанлиқини баян қилди.

Мәлум болушичә, ғулҗа шәһиридә ямачаң, партийә мәктипи, малийә мәктипи, су дәрваза дохтурханиси вә қарадөң 7‏-хаң қатарлиқ аз дегәндә 5 орунда "йепиқ тәрбийиләш лагери" тәсис қилинған. Бир достиниң һимайиси билән бу лагеридин бирини көрүш пурситигә игә болған бир муһаҗирниң баян қилишичә, нөвәттә ғулҗа шәһиридики бу лагерларда оқутқучилар, дөләт хизмәтчилири, диний затлар, деһқанлар, фабрика ишчилири қатарлиқ һәрсаһә кишилири "тәрбийә" ләнмәктикән. Бултур күз мәзгилидә ғулҗида болған вә нөвәттә чәтәлдә яшаватқан бу киши мәзкур "тәрбийиләш мәркизи" дегән исимниң пүтүнләй сахта исим икәнликини, мәзкур орунниң бир җаза лагери, йәни түрмидин һеч пәрқи йоқлуқини илгири сүрди. У лагердики тутқунларниң мәһбус кийими кийидиғанлиқи, у йәрдә оқутуш әмәс, пәқәт җаза иҗра қилинидиғанлиқини баян қилди. У йәнә лагер қорусида өзи көргән кишиләрниң саламәтликидә еғир мәсилә барлиқини, һәтта уларниң әс-һушиниңму җайида әмәсликигә аит чирай ипадиси вә көрүнүшләргә шаһит болғанлиқини баян қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт