Амстердамда ай-юлтузлуқ көк байрақлар ләпилдиди

Ихтиярий мухбиримиз пидаий
2014-01-14
Share

Д у қ ниң чақириқиға асасән голландийәдики уйғурлар 12‏-январ амстердамдики дам мәйданида җәм болуп, ай-юлтузлуқ көк байрақлирини ләпилдәтти вә хитай һөкүмитиниң өткән бир йилда шәрқий түркистанда йүз бәргән барлиқ тоқунушларни қанлиқ бастурғанлиқиға қарита наразилиқини билдүрди. Җараңлиқ шоарлири билән әтрапни ләрзигә салған намайишчилар хитай һөкүмитиниң дөләт террорлуқи арқилиқ, шәрқий түркистандики уйғурларни мәркәз қилған йәрлик милләтни ассимилятсийә қилип йоқитиш суйиқәстиниң барғансери чәктин ешиватқанлиқини дуня җамаәтчиликигә аңлатти. Тәшвиқат варақлирини тарқатти вә баянатлар оқуди.

Паалийәтни голландийә уйғур бирлики тәшкилати уюштурди. Голландийә уйғур яшлар партийиси вә явропа шәрқий түркистан маарип җәмийити әзалири маслашти. 2 Саәттин артуқ давам қилған намайиш шу йәр вақти 13:00 дә башлинип, 15:30 дә ахирлашти.

Паалийәт елип берилған мәйдан дуняниң һәрқайси җайлиридин кәлгән саяһәтчиләр зиярәт қилидиған алаһидә җайлардин бири болуп, уйғурларниң бу намайишини чәтәллик саяһәтчиләр қатарида хитайдин кәлгән саяһәтчиләрму көрди. Йолдин өтүп кетиватқан бир түрк мойсипит “шәрқий түркистанлиқ қериндашлиримға саламлар болсун” дәп, өзиниң уйғурларни қоллайдиғанлиқини билдүрүп өтти. Йәнә һиндонезийәлик бир гуруппа мусулман яшларму ай-юлтузлуқ көк байрақни тутуп намайишчилар билән биргә хатирә рәсимгә чүшти. Улардин бири уйғурларниң бешиға келиватқан мусибәтләрдин нәччә йилдин бери хәвәрдар болуп келиватқанлиқини ейтти.

Голландийә уйғур бирлики тәшкилатиниң рәиси абдусалам нияз әпәнди вә явропа шәрқий түркистан маарип җәмийитиниң мәсуллиридин әйса қараҗимлар зияритимизни қобул қилип, бу паалийәт һәққидә тохталди вә бу мунасивәт билән вәтәндашлириға саламлар йоллиди. Униңдин башқа йәнә, нурғун иштиракчиларму өзиниң намайишқа қатнишиштики мәқсәт-муддиалири вә арзу-тиләклирини радио аңлиғучилиримизға тәқдим қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт