5‏-Iyul gollandiyede türkler Uyghurlar üchün namayish qildi

Ixtiyariy muxbirimiz pida'iy
2015.07.07
gollandiye-turk-namayish-uyghur-mesilisi-1.jpg

Gollandiye, bélgiye we gérmaniyelerdin kelgen minglarche türkler, Uyghurlargha hésdashliqini bildürüp qilghan namayishidin körünüsh. 2015-Yili 5-iyul, gollandiye. RFA/Pida’iy

gollandiye-turk-namayish-uyghur-mesilisi-2.jpg

Gollandiye, bélgiye we gérmaniyelerdin kelgen minglarche türkler, Uyghurlargha hésdashliqini bildürüp qilghan namayishidin körünüsh. 2015-Yili 5-iyul, gollandiye. RFA/Pida’iy

gollandiye-turk-namayish-uyghur-mesilisi-3.jpg

Gollandiye, bélgiye we gérmaniyelerdin kelgen minglarche türkler, Uyghurlargha hésdashliqini bildürüp qilghan namayishidin körünüsh. 2015-Yili 5-iyul, gollandiye. RFA/Pida’iy

gollandiye-turk-namayish-uyghur-mesilisi-4.jpg

Gollandiye, bélgiye we gérmaniyelerdin kelgen minglarche türkler, Uyghurlargha hésdashliqini bildürüp qilghan namayishidin körünüsh. 2015-Yili 5-iyul, gollandiye. RFA/Pida’iy

2015‏-Yili 5‏-iyul gollandiyening rottérdam shehiride gollandiye, bélgiye we gérmaniyelerdin kelgen minglarche türkler, Uyghurlargha hésdashliqini bildürüp namayish qildi. Pa'aliyet shu yer waqti kech sa'et 7 yérimdin 9 yérimgha qeder ikki sa'et dawam qildi.

Namayishchi amma qollirida ay-yultuzluq kök we qézil bayraqlarni, “Uyghurlargha azadliq”, “Sherqiy türkistan'gha hörlük”, “Xitay Uyghurlarni öltürüshni toxtat!”, “Uyghurlar yalghuz emestur!” “Adalet qeyerde sen!” dégendek mezmunlar yézilghan, sherqiy türkistanliqlarning échinishliq süretliri chüshürülgen plakat, lozunkilarni kötürüp, ikki kilométirdin artuq piyade yürüsh qildi.

Piyade namayishchilar ammining sadasini yangritip, motsiklitliq we mashiniliq bir guruppa ishtirakchilarmu etrapni zilzilige saldi.

Pa'aliyetke her millet ammisidin bolup, gollandiyediki parlamént ezaliri, musteqil ish ademliri, oqughuchi-ziyaliylar we diniy ustazlar qatnashti. Uyghurlargha wakaliten “Yawropa sherqiy türkistan ma'arip jem'iyiti” we “Gollandiye Uyghur birliki teshkilati” ning aktipliri ishtirak qildi.

Mezkur namayishni teshkilligüchi bir jüp türk yigit-qiz ziyaritimizni qobul qilip, bu pa'aliyetni teshkillesh arqiliq zulumgha qarshi turushta heq terepdari bolushqa da'im teyyarliqini bildürüp söz qildi.

Ishtirakchi Uyghurlarmu gollandiyege kelgen on nechche yildin béri tunji qétim mushundaq daghdughiliq bir namayishni körgenlikini, türk qérindashlirining özlirige hésdashliq qilghanliqliridin xursen bolghanliqlirini, Uyghur qérindashlirining özining dewasigha sus qarawatqanliqidin yüriki siqilghanliqini anglatti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.